ഡോ:ബിനായക് സെന്നിനു ജാമ്യം.

പ്രമുഖ സാമൂഹ്യ പ്രവര്‍ത്തകന്‍ ഡോ. ബിനായക് സെന്നിന് സുപ്രീംകോടതി ജാമ്യം അനുവദിച്ചു. നക്സല്‍ ബന്ധം ആരോപിച്ച് 2007 ല്‍ ആണ് ബിനായക് സെന്നിനെ ഛത്തീസ്ഗഡ് പൊലീസ് അറസ്റ്റ് ചെയ്തത്

നക്സല്‍ ബന്ധമുള്ള ലഘുലേഖകള്‍ കൈവശം വെച്ച് എന്ന കാരണത്താല്‍ തീവ്ര വാദ

ബന്ധം ആരോപിച്ചായിരുന്നു ഇദ്ദേഹത്തെ പോലീസെ അറസ്റ്റ് ചെയ്തത്. യഥാര്‍ത്ഥ തീവ്രവാദികളെ അഴിക്കുള്ളില്‍ അടക്കേണ്ടതിനു പകരം ഇത്തരം നിസ്സാര കേസ്സില്‍ കുടുക്കി നിരപരാധികളെ ജയിലില്‍ ആക്കുന്നത്  സാധാരണ ആയിരിക്കയാണിപ്പോള്‍. തീവ്രവാദം ആരോപിക്കപെടുന്നവരുടെ  റിപ്പോര്‍ട്ട് തേടി പോകുന്ന പത്ര പ്രവര്‍ത്തകര്‍ പോലും തീവ്രവാദി മുദ്രകുത്തി പോലിസ് പീഡിപ്പിക്കുന്നത്  ഈ ജനാധിപത്യ രാജ്യത്തെ രാഷ്ട്രീയക്കാര്‍ പോലും കണ്ടില്ലെന്നു നടിക്കുന്നത് ആശ്വാസകരമല്ല.

ഗാന്ധിജിയുടെ ജീവചരിത്രം കൈവശം വെക്കുന്ന ഒരാള്‍ ഗാന്ധിയനാകുമോ എന്ന കോടതിയുടെ പരാമര്‍ശം ഉചിതമായി. വെറും ലഘു ലേഖകള്‍ കൈവശം കണ്ടു എന്നത് എങ്ങിനെയാണ് ഒരാളെ തീവ്രവാദി ആക്കുന്നത്.

സെന്‍ നക്സലുകളുമായി രഹസ്യ കൂടിക്കാഴ്ച നടത്തിയിട്ടുണ്ട് എന്നതിന് തെളിവുകള്‍ ഒന്നും ഹാജരാക്കാന്‍ സര്‍ക്കാരിന് കഴിഞ്ഞിട്ടില്ല

മാവോയിസ്റ്റുകളോട് അനുഭാവം ഉണ്ടെന്നതുകൊണ്ട് ഒരാള്‍ രാജ്യദ്രോഹിയാണെന്ന് പറയാന്‍ കഴിയില്ലെന്ന് കോടതി വ്യക്തമാക്കി. യാതൊരു ഉപാധികളില്ലാതെയാണ് കോടതി ജാമ്യം അനുവദിച്ചത്.

ഭരണകൂട ഭീകരതയുടെ ഒരു ഇരയായിരുന്നു ഡോക്ടര്‍ ബിനായക്  സെന്‍ എന്നുവേണം  വിലയിരുത്താന്‍.

സിന്ധു ജോയി കോണ്‍ഗ്രസ്സിലേക്ക്.

സിന്ധു ജോയ് എന്ന പേര് നമുക്ക് ഏറെ പരിചയമുള്ള പേരുതന്നെയാണ്. കഴിഞ്ഞ നിയമസഭാ തിരഞ്ഞെടുപ്പില്‍ ഉമ്മന്‍ ചാണ്ടിയുടെ എതിരാളി, ലോകസഭ തിരഞ്ഞെടുപ്പില്‍ കെ വി തോമസിന് എതിരെ, എന്നാല്‍ ഈ രണ്ടു പരാജയങ്ങള്‍ക്കു ശേഷം വാര്‍ത്തകളിലോന്നും കണ്ടിരുന്നില്ല സിന്ധു വിന്റെ സാന്നിധ്യം. എസ്  എഫ് ഐ സമരങ്ങളിലൂടെ പ്രശസ്തിനേടി, ഏറെ തല്ലും കൊണ്ടതാണ്,
കഷിഞ്ഞ നിയമസഭാ തിരഞ്ഞെടുപ്പിന് പത്രിക കൊടുക്കേണ്ട സമയത്ത് പൊതുമുതല്‍ നശിപ്പിച്ചതിന് ജയില്‍ അഴിഎണ്ണുകആയിരുന്നെങ്കിലും സഹതാപ തരംഗം വോട്ട് ആയി മാറാതിരിക്കാന്‍ യു ഡി എഫ് സര്‍ക്കാരും ശ്രമിച്ചു. കഴിഞ്ഞ രണ്ടു ഇലെക്ഷനിലും ചാവേറായി എന്നതാണ് ഇപ്പോള്‍ വിലയിരുതപെടുന്നത്.
എന്നിട്ടും ഒരുസീറ്റ് നല്‍കാന്‍ പാര്‍ട്ടി തയ്യാറായില്ല എന്നത് ആരെയാണ് വേദനിപ്പിക്കാത്തത്. ഇപ്പോള്‍ ഇതാ സി പി എമ്മില്‍ നിന്നും രാജി വെച്ചിരിക്കുന്നു. അവിടെ അങ്ങിനെ ഒരു രാജി പരിപാടിയൊന്നും ഇല്ലെന്നു പറഞ്ഞു പാര്‍ട്ടി പുറത്താക്കിയതായി പ്രഖ്യാപനവും വന്നു.
എസ്‌എഫ്‌ഐയുടെ ദേശീയ വൈസ്‌ പ്രസിഡന്റ്‌ സ്ഥാനവും സിന്ധു രാജിവെച്ചിട്ടുണ്ട്. യുവതക്കും സ്ത്രീകള്‍ക്കും കൂടുതല്‍ സംവരണം നല്‍കുന്ന സാഹചര്യത്തില്‍ പോലും തന്നെപോലെ  ഊര്‍ജസ്വലരായ  പ്രവര്‍ത്തകക്കു അവസരം ലഭിക്കാതെ വരുമ്പോള്‍ മാറി ചിന്തിച്ചു എന്ന് വേണം കരുതാന്‍.
പാര്‍ട്ടി വിട്ടു എതിര്‍ ചേരികളില്‍ അവസരം  തേടിയെത്തുന്നവരെ മുതലാക്കാന്‍ ഇടതു പാര്‍ട്ടികള്‍ മിടുക്കരാണ്. ആ വഴി വലതു പക്ഷവും കണ്ടെത്തുന്നതില്‍ തെറ്റൊന്നുമില്ല. കാട്ടക്കടയിലും, കടുത്തുരുത്തിയിലും ഒക്കെ നാം അത് കണ്ടുകൊണ്ടിരിക്കുകയാണ്. എന്നാല്‍ യു ഡി എഫിന്  ഇനി നല്‍കാന്‍ സീറ്റുകള്‍ ഇല്ലാത്തതിനാല്‍ സിന്ധു നിരാശയാകേണ്ടി വരും. എന്തായാലും കൊണ്ഗ്രസ്സിലേക്ക് എന്നുള്ള സൂചനയാണ് ഇപ്പോള്‍ കിട്ടുന്നത്. പഴയ എതിരാളിയുടെ പ്രചാരണ യോഗത്തില്‍ സംസാരിച്ചുകൊണ്ട് (പുതുപ്പള്ളിയില്‍ ഉമ്മന്‍ ചാണ്ടിക്കുവേണ്ടി) തുടങ്ങുമെന്നാണ് അറിയുന്നത്. കഴിവുള്ള നേതാക്കള്‍ക്ക് ജനപിന്തുണ വേണം, അബ്ദുല്ലകുട്ടിക്കു കിട്ടിയപോലെ ഒരു സുധാകര നേതാവിന്റെ മാത്രം സപ്പോര്‍ട്ട് മതിയാകില്ല, എന്നാല്‍ കണ്ണൂരില്‍ അത് മുതല്‍കൂട്ടായി.
യുവതയുടെ പ്രാതിനിധ്യത്തില്‍ സംത്രിപ്തമല്ലാത്ത കോണ്‍ഗ്രസ് യൂത്തുകള്‍ ഇതൊക്കെ എങ്ങനെ ഉള്‍കൊളളും എന്നത് കണ്ടറിയേണ്ടിയിരിക്കുന്നു. പത്മജയെ പോലെയുള്ള 'യുവതുര്‍ക്കികള്‍' നിരാശരാനെന്നാണ് ഇപ്പോള്‍ കാണുന്നത്.
മാതാപിതാക്കള്‍ ഇല്ലാത്ത തന്നെ പാര്‍ട്ടി സംരക്ഷിക്കുമെന്ന വിശ്വാസമായിരുന്നു. എന്നാല്‍ തനിക്ക്‌ ലഭിച്ചുകൊണ്‌ടിരുന്ന പാര്‍ട്ടി അലവന്‍സുകള്‍ പോലും നിര്‍ത്തലാക്കി തന്നോട്‌ വിരോധം കാട്ടുകയാണ്‌ പാര്‍ട്ടി ചെയ്‌തുകൊണ്‌ടിരിക്കുന്നതെന്നും ഈ സാഹചര്യത്തിലാണ്‌ സിപിഎമ്മുമായുള്ള ബന്ധം വിച്ഛേദിക്കാന്‍ തീരുമാനിച്ചതെന്നും സിന്ധു പറഞ്ഞു. (ഈ സംരക്ഷണം കൊണ്ഗ്രസ്സില്‍ നിന്ന് ലഭിക്കുമെന്ന് പ്രതീക്ഷിക്കാമോ?!) പേരിനോടൊപ്പം ചേര്‍ത്ത് പറയാനുള്ള ഡിഗ്രികള്‍ സിന്ധുവിന് ഉപയോഗപെടുത്തവുന്നതാണ്.

ആശ്വാസമായി സഖാവെ (ഞങ്ങളുടെ കാര്യം)

മലമ്പുഴയില്‍ വി എസ് തന്നെ.

കഴിഞ്ഞ രണ്ടു ദിവസങ്ങളില്‍ മാധ്യമങ്ങളില്‍ നിറഞ്ഞു നിന്നത് വി എസ്  അച്ചുതാനന്ദന്റെ സ്ഥാനാര്‍ഥിത്വം സംബന്ധിച്ച ചര്‍ച്ചകളായിരുന്നു. അദ്ദേഹം മത്സരിക്കില്ലെന്നും മുന്നണിയെ കോടിയേരി നയിക്കുമെന്നുമാണ് എല്‍ ഡി എഫ് പ്രഖ്യാപിച്ചിരുന്നത്  . ഇന്നിപ്പോള്‍ പാര്‍ട്ടിയുടെ ലിസ്റ്റ് പ്രഖ്യാപിച്ചപ്പോള്‍  മലമ്പുഴയില്‍ വി എസ് തന്നെ മത്സരിക്കുമെന്ന് ഉറപ്പായി. 2006 ലെ തനി ആവര്‍ത്തനമാണ് ഇവിടെയുണ്ടായത്. കേരളത്തില്‍  അങ്ങോളമിങ്ങോളം വി എസ്സിന് വേണ്ടി പ്രകടനങ്ങള്‍ നടന്നു. അദ്ദേഹത്തെ എതിര്‍ക്കുന്നവര്‍പോലും മത്സരിപ്പിക്കണമെന്നു കേന്ദ്ര കമ്മറ്റിക്ക്  നിര്‍ദ്ദേശം വെച്ചു.   ഇതെല്ലം സൂചിപ്പിക്കുന്നത് ജനപിന്തുണയുടെ കാര്യത്തില്‍ മറ്റുള്ളവരേക്കാള്‍ പാര്‍ട്ടിയില്‍ വി എസ് മുന്നിലാണ് എന്നുതന്നെ. ജയവും പരാജയവുമൊക്കെ ഇനി കാത്തിരുന്നു കാണേണ്ടി വരും. മാരാരിക്കുളം ആവര്‍ത്തിക്കുമോ, അതോ മലമ്പുഴ തന്നെ ആവര്‍ത്തിക്കുമോ എന്നത് ഇപ്പോഴും പ്രവചനാതീതം. എന്തായാലും നില മെച്ചപ്പെടുത്താന്‍ എല്‍ ഡി എഫിന് ഇത് സഹായകമെന്നതില്‍ സംശയമില്ല. വി എസ് മത്സരിക്കുമെന്നുള്ള ബൂലോകത്തിന്റെ പ്രവചനവും അങ്ങനെ യാഥാര്‍ധ്യമായി .

ആശ്വാസമായി സഖാവെ (ഞങ്ങളുടെ കാര്യം)

അബ്ദുള്ള രാജാവിന്‌ ഊഷ്മള വരവേല്പ്.

മൂന്നു മാസത്തെ വിശ്രമത്തിന് ശേഷം മൊറോക്കൊയില്‍   നിന്നും മടങ്ങിയെത്തിയ അബ്ദുള്ള രാജാവിന്‌ തലസ്ഥാന നഗരിയില്‍ ഊഷ്മളമായ സ്വീകരണമാണ് ലഭിച്ചത്.

രാജ്യമെങ്ങും ആഹ്ലാദ തിമിര്‍പ്പിലായിരുന്നു. രാത്രി വളരെ വൈകിയും നാടെങ്ങും വാഹനങ്ങളില്‍ പ്രകടനങ്ങള്‍ തുടരുകയാണ്. ജനങ്ങളുടെ പ്രതീക്ഷപോലെ തന്നെ

രാജാവിന്റെ വികസന ഫണ്ടില്‍ നിന്നും വീടുവാങ്ങുന്നതിനും, വിവാഹം കഴിക്കുന്നതിനും, സ്വന്തമായി ബിസിനസ്‌ തുടങ്ങുന്നതിനും മറ്റുമായി ബില്ല്യന്‍ കണക്കിന് സാമ്പത്തിക സഹായം പ്രഖ്യാപിക്കുകയുണ്ടായി .

അയാള്‍ രാജ്യങ്ങളിലെ അസ്വാസ്ഥ്യങ്ങള്‍ വളരെ ശ്രദ്ദയോടെയാണ് രാജ്യം വീക്ഷിക്കുന്നതും. സൌദിയിലും ചുരുക്കം ചില വിഭാഗങ്ങള്‍ ഭരണത്തിന് എതിരെ അഭിപ്രായ പ്രകടനങ്ങള്‍ നടത്തുന്നുണ്ട്. എങ്കിലും ഭരണത്തിന് ലഭിക്കുന്ന പിന്തുണ അതിലേറെയാണ് .

പ്രവാസികള്‍ക്ക്  "തിരുഗേഹങ്ങളുടെ സേവകന്‍ അബ്ദുള്ള രാജാവും" ഭരണകൂടവും നല്‍കുന്ന പിന്തുണ പ്രശംസനീയമാണ്.

രാജവിനോടുള്ള ആദരസൂചകമായി ശനിയാഴ്ചയും സര്‍ക്കാര്‍ അവധി പ്രഖ്യാപിച്ചിരിക്കുകയാണ്  .

എന്റെ ബാനെര്‍

ഒ എന്‍ വി ജ്ഞാനപീഠം ഏറ്റുവാങ്ങി

കവി ഒ.എന്‍.വി. കുറുപ്പ് ഭാരതത്തിന്റെ പരമോന്നത സാഹിത്യ പുരസ്‌കാരമായ ജ്ഞാനപീഠം പ്രധാനമന്ത്രി ഡോ. മന്‍മോഹന്‍ സിങ്ങില്‍ നിന്ന് ഏറ്റുവാങ്ങി.
ഇത് മലയാള ഭാഷക്ക് കിട്ടിയ അംഗീകാരം കൂടിയാണ് . ഓ എന്‍ വി ക്ക് അഭിനന്ദനങള്‍
മലയാളം ബ്ലോഗില്‍ പരാമര്‍ശിക്കാതെ പോകുന്നത് ശരിയല്ല എന്നതിനാല്‍ ഇവിടെ പറയുകയാണ്‌.
വാഗ്‌ദേവതാ ശില്പവും ഫലകവും ഏഴു ലക്ഷം രൂപയുമാണ് പുരസ്‌കാരം.

കവിപറഞ്ഞ വാക്കുകള്‍ കാവ്യസ്മരണകളുടെ വേലിയേറ്റം തീര്‍ത്തു. ”കടലിനും കായലിനുമിടയിലുള്ള ഗ്രാമത്തില്‍ ജനിക്കാന്‍ കഴിഞ്ഞതില്‍ ഞാന്‍ സന്തോഷിക്കുന്നു. ആ ഗ്രാമീണരുടെ കണ്ണീരുപ്പും കടലുപ്പും ലാവണ്യമാക്കിയ കവിതയുടെ കൈക്കുറ്റപ്പാടുമായി പതിറ്റാണ്ടുകള്‍ പിന്നിടുന്ന ഈ കാവ്യപഥികന് വെയില്‍ ചായുന്ന ഈ സായന്തനത്തില്‍ കൈവന്ന പാഥേയം നാടിന്റെ ഓരോ മണ്‍തരികളെയും മനസ്സാവണങ്ങി ഏറ്റുവാങ്ങുന്നു”.

ഒ.എന്‍.വി. കുറുപ്പ് മലയാളം വകുപ്പ് മേധാവിയായി വിരമിച്ച വിമന്‍സ് കോളേജാണ് പുരസ്‌കാര സമര്‍പ്പണത്തിന് വേദിയായത്.

ഇത് മലയാള ഭാഷക്ക് ‌ കിട്ടിയ അംഗീകാരം കൂടിയാണ്. മലയാള ബ്ലോഗിലും സാഹിത്യം വളരട്ടെ, ഉന്നതിയുടെ പീഠം ചവിട്ടി കയറുവാന്‍ നല്ല എഴുത്തുകാര്‍ ഇനിയും ഉണ്ടാകട്ടെ എന്ന് ആശംസിക്കുന്നു. മലയാളത്തിലെ എല്ലാ ബ്ലോഗ്‌ എഴുത്തുകാര്‍ക്കും പ്രത്യേക ആശംസകളോടെ.aj

ഇപ്പോള്‍ വി എസ്സും അല്പം സ്മാര്‍ട്ട്‌ അയി.

പരസ്പരം കരാര്‍ ഒപ്പ് വെച്ചതോടുകൂടി അതങ്ങ് സാധിച്ചു കിട്ടി എന്ന് നമുക്ക് സമാധാനിക്കാം.

സ്മാര്‍ട്ട്‌ സിറ്റി എവിടെ, സ്മാര്‍ട്ട്‌ സിറ്റി എവിടെ, എന്ന് ചോദിച്ചവര്‍ക്ക് വായടപ്പന്‍ മറുപടിയാണ് ഇതിലൂടെ സര്‍ക്കാരിന് നല്‍കാന്‍ കഴിഞ്ഞത്.  നാല് വര്ഷം പിന്നിട്ടപ്പോഴും     ഇടതു മുന്നണി സര്‍ക്കാരിനെ കൊണ്ട് ഒന്നും ചെയ്യാന്‍ കഴിഞ്ഞില്ല എന്ന് പറയുന്നവര്‍ക്ക് ഇത് അംഗീകരിച്ചു കൊടുക്കേണ്ടി വരും എന്നതില്‍ സംശയമില്ല. അതെ വിവരസാങ്കേതിക വിദ്യയുടെ മറ്റൊരു ലാന്‍ഡ്‌ മാര്‍ക്ക് ആകുകയാണ് ഇനി കൊച്ചി.

2003 -ല്‍ ആണ് ആന്റണി സര്‍ക്കാര്‍ കേരളത്തിന്റെ വികസന പദ്ധതിയില്‍ ഇത് ഉള്‍പെടുത്തുന്നത്.

അദ്ദേഹത്തിന്റെ പകരക്കാരനായി വന്ന ഉമ്മന്‍ ചാണ്ടിക്കും  ഈ പദ്ധതി മുന്നോട്ട് നയിക്കാന്‍ കഴിഞ്ഞില്ല. 2007 മെയ് 13ന് സംസ്ഥാന സര്‍ക്കാരും ടീകോമും ഒരു ഉടമ്പടി ഉണ്ടാക്കിയെങ്കിലും

പിന്നീടു ഇത് വരെ നടന്ന ചര്‍ച്ചകളൊക്കെ  ഒരു പുരോഗതിയും ഉണ്ടാക്കിയിരുന്നില്ല.

ടീക്കോമിന് അനുവദിച്ച ഭൂമിയുടെ വില്പന അവകാശ തര്‍ക്കമാണ് യോജിപ്പിലെത്താതെ കരാര്‍ നീണ്ടു പോകാന്‍ കാരണമായത്‌. ഒടുവില്‍ സര്‍ക്കാരിന്റെ നിലപാടിലേക്ക് ദുബായ് കമ്പനിയെ കൊണ്ടുവരാന്‍ കഴിഞ്ഞത് എന്തായാലും നല്ലത് തന്നെ.

യു ഡി എഫ് സര്‍ക്കാര്‍ ആയിരുന്നെങ്കില്‍ എന്നേ ഈ സംഭവം കഴിഞ്ഞിരുന്നെനെ. ഇത്രയേറെ തര്‍ക്കിച്ചു നില്‍ക്കാനോന്നും അവരെ കിട്ടുകയില്ലെന്നു ആര്‍ക്കാ അറിയാത്തത്. പാട്ടത്തിനു കൊടുക്കുന്ന ഭൂമി എന്ത് ചെയ്താലും ഞങ്ങടെ കാലത്ത് തന്നെ ഇതങ്ങു നടപ്പാക്കണം എന്ന് മാത്രമായിരിക്കും  അവര്  പറയുമായിരുന്ന നിബന്ധന. ഭരണം കിട്ടിയാല്‍ ഉടനെ ഇങ്ങനെ ഒന്ന് രണ്ടു നല്ലകാര്യങ്ങള്‍ ചെയ്താലും അത് ജനങ്ങളില്‍ എത്തിക്കാന്‍ അവര്‍ മിനക്കെടാറോന്നും ഇല്ല. ഘടക കക്ഷി തര്‍ക്കങ്ങളും ഗ്രൂപ്പ്‌ വഴക്കുമൊക്കെ ഭരണം തീരുവോളം അവിടെ സജീവമായിരിക്കും.

ഇതിപ്പോള്‍ എന്തായാലും നീട്ടി നീട്ടി ഇവിടെ വരെ എത്തിച്ച എല്‍ ഡി എഫിന് ഗുണം ചെയ്യുമോ എന്നത് കണ്ടറിയണം.

മൂന്നാര്‍ കയ്യേറ്റ ഭൂമി ഒഴിപ്പിക്കല്‍ നടപടികള്‍ നല്ലനിലയില്‍ മുന്നോട്ട് പോകുമ്പോള്‍ അതിനുള്ള ക്രെഡിറ്റൊക്കെ  മുഖ്യമന്ത്രിക്ക് കിട്ടുമെന്ന് കണ്ട മറുപക്ഷം രംഗത്ത് വന്നത് നമ്മള്‍ കണ്ടതാണ്, നാളെ ഈ സ്മാര്‍ട്ട്‌ സിറ്റിയുടെ കാര്യത്തിലും ആളുകള്‍ മുഖ്യന് അനുകൂലമായി അഭിനന്ദനം അറിയിക്കുമ്പോള്‍ ഇത് അദ്ദേഹത്തിന്റെ കഴിവോന്നുമല്ല എന്നവര്‍ പറയുമോ എന്നെനിക്കു  സംശയമുണ്ട്‌. അവിടെയും ഗ്രൂപ്പ്‌ തിരിഞ്ഞു ഏറ്റുമുട്ടലുകള്‍ ഇപ്പോള്‍ പതിവാണല്ലോ.

ഇക്കഴിഞ്ഞ കാലയളവില്‍ ദുബായില്‍ നിന്നും ചര്‍ച്ചക്ക് വന്നുപോയവരെ പറ്റി വി എസ് നടത്തിയ പരാമര്‍ശവും വിലകുറഞ്ഞത് ആയിപ്പോയി എന്ന് ഒര്മിപ്പിക്കാതെ വയ്യ. അറബികള്‍ ഇസ്ലാമിക സംസ്കാരവും സ്വഭാവവും പിന്തുടരേണ്ടവര്‍  ആണെങ്കിലും  സമൂഹത്തില്‍ കാണുന്ന എല്ലാ തിന്മകളും അവരില്‍ ചിലരിലുമുണ്ട്. അതൊക്കെ എടുത്തുപറഞ്ഞു പരസ്യമായി ആക്ഷേപിക്കുക എന്നത് ഒരു ഭരണ കര്‍ത്താവിനു ചേര്‍ന്നതല്ല. അതിനെതിരെ അയാള്‍ പ്രതികരിച്ചതോ വളരെ മാന്യതയോടെ ആയി എന്നതും എടുത്ത് പറയാവുന്നകാര്യം തന്നെ.

മന്ത്രി എസ്‌ ശര്‍മ്മയും നമ്മുടെ യൂസഫ്‌ അലിയും മുഖ്യ മന്ത്രിയോടൊപ്പം ഈ കരാര്‍ പൂര്‍ത്തിയാക്കുന്നതിനു ആത്മാര്‍ത്ഥമായി ശ്രമം തന്നെ നടത്തി. അവസാനം സര്‍ക്കാരിന്റെ ദൂതനായി മാധ്യസ്ഥ പറഞ്ഞ യൂസഫ്‌ അലിയാണ് അഭിനന്ദനാര്‍ഹമായ ഇടപെടലിലൂടെ ഇത് ശുഭ പര്യവസായി ആക്കിയതെന്നു പറയാതെ വയ്യ. സ്വന്തമായ ബിസിനസ്‌ ലോകം വിശാലമാക്കുന്നതോടൊപ്പം നാടിന്റെ നന്മക്കായുള്ള ഈ പരിശ്രമങ്ങളും പ്രശംസനീയം തന്നെ.

ആദ്യമെല്ലാം ഈ സ്മാര്‍ട്ട്‌ സിറ്റി ചര്‍ച്ചകളില്‍ നിന്നും അദ്ദേഹം അകറ്റി നിര്‍ത്തപെട്ടിരുന്നു എന്നത് നമുക്കറിയുന്നതാണ്. സാഹചര്യങ്ങളുടെ ആവശ്യം അനുസരിച്ച് മുഖ്യമന്ത്രി തന്നെ അദ്ദേഹത്തെ ഈ ചുമതല ഏല്‍പ്പിക്കുക ആയിരുന്നല്ലോ.

ഇപ്പോള്‍ വി എസ്സും സര്‍ക്കാരും മന്ത്രി ശര്‍മയും യൂസഫ്‌ അലിയും സ്മാര്‍ട്ട്‌ ആകുന്നതോടൊപ്പം

കൊച്ചിയും സ്മാര്‍ട്ട്‌ സിറ്റി ആകുന്നു എന്നതില്‍ നമുക്ക് സന്തോഷിക്കാം.

കനത്ത മഴ ജനജീവിതം സ്തംഭിച്ചു.

കനത്ത മഴ ജിദ്ദയില്‍ ജനജീവിതം സ്തംഭിച്ചു.

മഴയും വെള്ളപോക്കവും ഒന്നും മലയാളിക്ക് പുതുമയല്ല. കാരണം വര്‍ഷാ വര്ഷം നാം ഇത് കാണുന്നതും ദുരിതങ്ങള്‍ അനുഭവിക്കുന്നതുമാണ്. എന്നാല്‍ താരതമ്യേന മഴ കുറഞ്ഞ ഗള്‍ഫ്‌ മേഖലയില്‍  ഇതിനാല്‍ നേരിടുന്ന ദുരിതം ചെറുതല്ല. കനത്ത മഴ ഇപ്പോള്‍ ദുരന്തമായി ഭവിച്ചിരിക്കയാണ് ജിദ്ദയിലെ ജനങ്ങള്‍ക്ക്‌. സൌദിയിലും അതുപോലെ ഗള്‍ഫ്‌ നാടുകളിലും ഒരു മഴ കിട്ടുക എന്നത് എല്ലാവര്ക്കും സന്തോഷം നല്‍കുന്ന കാര്യം പോലെ തന്നെ വാര്‍ത്ത‍ കൂടിയാണ് .
മരുഭൂമികള്‍ നിറഞ്ഞ  ഗള്‍ഫിലെ ചുറ്റുപാടില്‍ മഴ ലഭിക്കാനായി പ്രത്യേക പ്രാര്‍ഥനകള്‍ തന്നെ നടത്താറുണ്ട്‌. സൌദിയില്‍ ഇതിനു രാജാവ്‌ ആഹ്വാനം ചെയ്യുകയും വെള്ളിയാഴ്ച പ്രാര്‍ഥനയില്‍ ഇമാമുമാര്‍ പ്രത്യേകമായി ഉള്‍പെടുത്തുകയും
ചെയ്യുന്നുണ്ട്. (ഇത് നബി ചര്യ കൂടിയാണ് , മഴകിട്ടാതെ ജനം വലയുമ്പോള്‍ മഴ ലഭിക്കാനായി പ്രാര്‍ത്ഥിച്ചുകൊണ്ട്  നമസ്കാരം തന്നെ നടത്തുക എന്നത് ഇസ്ലാമിക മാതൃക ആണ്. ജനങ്ങള്‍ക്ക്‌ ദുരിതം ഇല്ലാത്ത അനുഗ്രഹീതമായ് മഴക്കായി വിശ്വാസികള്‍ പ്രാര്‍ത്ഥിക്കും)
വളരെ കുറഞ്ഞ സമയം വര്‍ഷത്തില്‍ ഒരിക്കല്‍ ഉണ്ടാകുന്ന മഴയുടെ അനന്തര ഫലമാണ് ഇവിടെ ദുരിതപൂര്‍ണമായി കാണുന്നത്. അപ്പോള്‍ നാട്ടിലെ പോലെ ഒന്നോ രണ്ടോ മാസം മഴക്കാലമായാല്‍ സ്ഥിതി എന്തായിരിക്കും, എല്ലാം അറിയുന്ന പ്രപഞ്ച സ്രഷ്ടാവിന്റെ ദൃഷ്ടാന്തങ്ങള്‍ തന്നെ ഇതെന്ന് ചിന്തിക്കുന്നവര്‍ക്ക് മനസ്സിലാക്കാം
ഇന്നലെ ജിദ്ദയില്‍ ഉണ്ടായതും കനത്ത മഴ ആയിരുന്നു. ഒരു അപ്രഖ്യാപിത അവധിയാണ് ഇന്നത്തെ അവസ്ഥ എന്നാണ് മനസ്സിലാക്കാന്‍ കഴിഞ്ഞത്.
ഇന്നലെ സ്കൂളില്‍  പോയ കുട്ടികളെ ഇന്നാണ് മടക്കി കൊണ്ട് വന്നെതെന്നു നമ്മുടെ പ്രമുഖ ബ്ലോഗര്‍ അജിത്‌ നീര്‍വിളാകനുമായി സംസാരിച്ചപ്പോള്‍ മനസ്സിലായി.
ജന ജീവിതം സ്തംഭിച്ചിരിക്കുകയാണ്.

വെബ്‌ ദുനിയ നല്‍കിയ വാര്‍ത്ത‍ ഇവിടെ പങ്കു വെക്കുന്നു.
സൌദി അറേബ്യയിലെ ഏറ്റവും വലിയ രണ്ടാമത്തെ നഗരമായ ജിദ്ദയിയില്‍ കനത്ത മഴയും വെള്ളപ്പൊക്കവും. വെള്ളപ്പൊക്കത്തെ തുടര്‍ന്ന് ജനജീവിതം ദുരിതത്തിലായി‍‍. നഗരം കണ്ട സമീപകാലത്തെ ഏറ്റവും വലിയ വെള്ളപ്പൊക്കത്തില്‍ പ്രദേശത്തെ വൈദ്യുതബന്ധം വിച്ഛേദിക്കപ്പെടുകയും വാഹന ഗതാഗതം തടസ്സപ്പെടുകയും ചെയ്തു. നഗരത്തില്‍ പലയിടങ്ങളിലും വാഹനങ്ങള്‍ വെള്ളത്തില്‍ ഒഴുകിനടക്കുകയാണെന്നാണ് റിപ്പോര്‍ട്ട്.
ഒരു അണക്കെട്ട് തകര്‍ന്നതിനെ തുടര്‍ന്ന് സമീപ പ്രദേശങ്ങളെല്ലാം വെള്ളത്തില്‍ മുങ്ങി എന്ന് “അറബ് ന്യൂസ്” റിപ്പോര്‍ട്ട് ചെയ്യുന്നു. വെള്ളപ്പൊക്കത്തെ തുടര്‍ന്ന് പല വിദ്യാഭ്യാസ സ്ഥാപനങ്ങളിലും വിദ്യാര്‍ത്ഥികള്‍ കുടുങ്ങിപ്പോയിട്ടുണ്ട്. കിംഗ് അബ്ദുള്‍ അസീസ് സര്‍വകലാശാലയില്‍ മൂന്ന് വിദ്യാര്‍ത്ഥിനികള്‍ ഷോക്കേറ്റ് മരിച്ചതായി സ്ഥിരീകരിക്കാത്ത റിപ്പോര്‍ട്ടുകളുണ്ട്.
നഗരത്തിലെ താഴ്ന്നയിടങ്ങളില്‍ പലതും വെള്ളത്തിനടിയിലാണ്. 2009 നവംബറില്‍ 123 പേരുടെ മരണത്തിനിടയാക്കിയ അപ്രതീക്ഷിത പ്രളയത്തെക്കാള്‍ ശക്തമായിരുന്നു ഇത്തവണത്തേത്. ബുധനാഴ്ച മൂന്ന് മണിക്കൂര്‍ കൊണ്ട് 111 മില്ലീമീറ്റര്‍ മഴയാണ് നഗരത്തില്‍ പെയ്തത്.
കനത്ത മഴയില്‍ ഭൂഗര്‍ഭ ടാങ്കുകളിലെ മലിനജലം പ്രളയ ജലത്തിനൊപ്പം ചേര്‍ന്ന് നഗരമാകെ ദുര്‍ഗ്ഗന്ധപൂരിതമായിരിക്കുകയാണ്. കനത്തമഴയെ കുറിച്ച് സര്‍ക്കാര്‍ മുന്നറിയിപ്പ് നല്‍കാത്തതില്‍ നഗരവാസികള്‍ കടുത്ത അതൃപ്തി പ്രകടിപ്പിച്ചു. ആളുകള്‍ വീടുവിട്ട് വെളിയില്‍ പോകരുത് എന്ന് സര്‍ക്കാര്‍ നിര്‍ദ്ദേശം നല്‍കിയിട്ടുണ്ട്.

ഭാരത റിപബ്ലിക്

ഭാരത നാടിന്‍ പേരില്‍ നമ്മള്‍
അഭിമാനങ്ങള്‍ പറയുന്നു.
അഭിമാനത്തിന്‍ അടിവരയിപ്പോള്‍
നമ്മള്‍ തന്നെ മായ്ക്കുന്നു.

നാട് ഭരിക്കും നായകരിന്ന്‍
നാല്‍പതു കാശുണ്ടാക്കുന്നു
ജനാധിപത്യ വാഴ്ചയിലൂടെ
ജനതതി നട്ടം തിരിയുന്നു.

നാട് നടുക്കും നരഹത്യകള്‍
നാള്‍ക്കുനാള്‍ ഭീകര പട്ടികകള്‍
 "ഭാരത" നാമം മറയാക്കി
നടനമാടും നാടോടികള്‍

ഇന്നിപ്പോള്‍ ഇവര്‍ ലാല്‍ ചൌക്കില്‍
പതാകയുമായി 'ഒരു യാത്ര'
രഥയാത്രയുടെ തേര് തെളിച്ച്
ചവിട്ടി മെതിച്ചത് സൌഹാര്‍ദം,

നാനാത്വത്തിലെ ഏകത്വം
പിച്ചി ചീന്താന്‍ ആലോചനകള്‍
കര്‍ണം അടഞ്ഞ ജേര്‍ണലുകള്‍
ഇരുണ്ട കണ്ണട മാറ്റുക നിങ്ങള്‍

അസിമാനന്ദ ഏറ്റു പറഞ്ഞു
ഭീകര മോര്‍ച്ചയുടെ ഭാരത സ്നേഹം
നീതിന്യായ വ്യവസ്ഥകള്‍ എല്ലാം
ശിരസ്സ്‌ കുനിച്ചു വഴി മാറിയതോ?

അഴികള്‍ക്കുള്ളില്‍ കത്തി തീര്‍ന്ന
ആയിരം ആയിരം യുവജന്മങ്ങള്‍
ആഴിയോരുക്കിയ ആനന്ദന്‍മാര്‍ 
അഭിമാനിക്കും ഭാരതമണ്ണ്!! 

വര്‍ണ പതാകയാല്‍ മാറ് മറച്ച്   
ലജ്ജിക്കുന്നീ റിപബ്ലിക്
വസ്ത്രാക്ഷേപം ചെയ്യപ്പെട്ടോരീ   
ഭാരതാംബതന്‍ നഗ്നതയില്‍.

മുകുന്ദേട്ടന്‍ സുമിത്രയെ വിളിക്കുന്നു.

മുകുന്ദേട്ടന്‍ സുമിത്രെ വിളിക്കുന്നു(മിനിക്കഥ)AJ

January 19th, 2011

Share

അയാള്‍: ഹലോ,
അവള്‍  : ഹലോ ങ്ങ,
അയാള്‍: എപ്പോ എത്തി.
അവള്‍  : ഞാനിപ്പോള്‍ വന്നു കേറിയതെ ഉള്ളു. ശരീരമാകെ വേദനയ ചേട്ടാ.
അയാള്‍: സാരമില്ല യാത്രയുടെ ആകും. രണ്ടു മണിക്കൂര്‍ ബസില്‍ ഇരുന്നതല്ലേ. വിശ്രമിക്കുമ്പോള്‍ മാറിക്കൊള്ളും.
അവള്‍  : അതുകൊണ്ട് ഇന്ന് നേരത്തെ അങ്ങ് കിടന്നു. മക്കളും കിടന്നു, അതെങ്ങന ടി.വി കണ്ടിരുപ്പല്ലേ (ഇത്രനേരം
കേട്ടപോലെയല്ല സ്വരം അല്പം പരുഷഭാവം പ്രകടമാണ്.)
അയാള്‍: ആരാ അത് മോനോ?
അവള്‍  : കുട്ടികള്‍ കിടന്നെന്നു പറഞ്ഞില്ലേ?
അയാള്‍: പിന്നെ ആരാ?
അവള്‍  : വേറെ ആരാ ഇവിടുള്ളത്‌.
അയാള്‍: അമ്മയാണോ?
അവള്‍  : പിന്നല്ലാതെ കിടന്നുറങ്ങിക്കൂടെ.

അയാള്‍: നീ  നിന്റെ പാട് നോക്കി കിടന്നുറങ്ങിക്കോ. അമ്മ സൗകര്യം പോലെ കിടന്നോളും.
അവള്‍  : എല്ലാത്തിനും ഇങ്ങനെ സപ്പോര്‍ട്ട് ചെയ്തോ നിങ്ങള്‍.
അയാള്‍: ഇനി മേലാല്‍ അമ്മയെപറ്റി നീ പരാതി പറഞ്ഞേക്കരുത്. (അയാളുടെ സ്വരവും മൂര്ച്ചയുള്ളതായി)
അവള്‍ ആ കാള്‍ കട്ട് ചെയ്തതിനാല്‍ തല്ക്കാലം അങ്ങനെ അവസാനിച്ചു.


**      **     **      **      **      **      **      **     **      **      **      **


ഷോപ്പിംഗ്‌.
അന്ന് കാലത്ത് തന്നെ എണീറ്റ്‌ ജോലിയൊക്കെ തീര്‍ക്കാന്‍ കഷ്ട്ടപ്പെടുകയായിരുന്നു അവള്‍. കുട്ടികള്‍ സ്കൂളില്‍ നിന്നും മടങ്ങി വരാനുള്ളതിനാല്‍ വീണ്ടും വൈകി, പതിവ് പോലെ ക്ലിനിക്കിലും കയറി ചെറിയൊരു ഷോപ്പിങ്ങും നടത്തി പോരാന്‍ തന്നെ തീരുമാനിച്ചതാണ്, ക്ലിനിക്കിലെ തിരക്ക് വീണ്ടും സമയം വൈകിച്ചു.
അയലത്തെ റോസി ചേച്ചി ഉള്ളതുകൊണ്ട് അവരുടെ കാറില്‍ ഒപ്പമായിരുന്നുയാത്ര. ആഴ്ചയില്‍ ഒരിക്കലുള്ള ഷോപ്പിംഗ്‌, ചേച്ചിയും ഇന്നുതന്നെയാക്കിയത് അവളുടെ സൗകര്യം കൂടി ഓര്‍ത്തിട്ടാണ്. അങ്ങനെ പല കടയില്‍ കയറി ഇറങ്ങി സമയം ആറ്‌ കഴിഞ്ഞു. അപ്പോഴാണ് ഡോക്ടര്‍ കുറിച്ച മരുന്ന് വാങ്ങിയില്ലെന്ന് ഓര്‍മ്മ വന്നത്. അടുത്ത് കണ്ട മെഡിക്കല്‍ സ്റ്റോറില്‍
ചോദിച്ചപ്പോള്‍ അവിടെ ഇല്ല. പിന്നെ ആശുപത്രിക്ക് അടുത്തേക്ക് തന്നെ മടങ്ങി പോകേണ്ടിവന്നു. (ക്ലിനിക്കിനു പുറത്തുള്ള അവരുടെ തന്നെ മെഡിക്കല്‍ സ്റ്റോര്‍, അല്ലെങ്കിലും അങ്ങിനെയാണല്ലോ ക്ലിനിക്കില്‍ കുറിക്കുന്ന മരുന്നുകള്‍ അവരുടെ ഷോപ്പില്‍ മാത്രമല്ലെ കിട്ടുകയുള്ളൂ )
സിറ്റിയില്‍ എട്ടുമണിവരെ വണ്‍വേ ആയതിനാല്‍ വീണ്ടും ചുറ്റി തിരിഞ്ഞു വീട്ടു പടിക്കല്‍ എത്തുമ്പോള്‍ ഏഴര കഴിഞ്ഞിരുന്നു.
പെട്ടെന്ന് വീട്ടിലെ വെളിച്ചം നിന്നപ്പോള്‍ കരണ്ട് പോയതാണെന്ന് കരുതി “പണ്ടാരകരണ്ട് ” എന്ന് പറഞ്ഞു അവളൊന്നു ശപിച്ചു.

കുട്ടികളെ ചേച്ചിയെ ഏല്‍പിച്ച്‌ പോയിട്ട് വരാനായി അവള്‍ ധൃതിയില്‍ പടവുകള്‍ കയറാന്‍ ശ്രമിച്ചു. ഇരുട്ട് കഠിനമായതിനാല്‍  കാല് തെറ്റിയെങ്കിലും ചെറിയൊരു വേദന അനുഭവിച്ചെന്നു മാത്രം. പാതി വഴിയില്‍ നിന്നും മടങ്ങിവന്നു, കുട്ടികളോടൊപ്പം ചേച്ചിയുടെ മകനെയും ടോര്‍ച്ചു തെളിക്കാന്‍ ഒപ്പം കൂട്ടി.
അകത്തെ മുറിയില്‍ നൈറ്റ് ലാമ്പ് കത്തുന്നത് കണ്ട അവന്‍ അമ്മയോട് ചോദിച്ചു.
“അമ്മയെന്താ വെളിച്ചം കെടുത്തി കളഞ്ഞത്.” ?
“നിക്ക് മനസ്സില്ലാരുന്നു വിളക്കുമിട്ടു കാത്തിരിക്കാന്‍.” അമ്മയുടെ ദേഷ്യം ആ മറുപടിയില്‍ വ്യക്തമായിരുന്നു.
(സ്വന്തമായി ടി.വി. ഓണ്‍ ചെയ്യാന്‍ അറിയാത്ത അമ്മ, പതിവ് സീരിയലുകള്‍ നഷ്ട്ടമായ ദേഷ്യം ആ മുഖത്ത് പ്രകടമായിരുന്നു.)

എയര്‍ ഇന്ത്യക്ക് ഒരു പാര.

എയര്‍ ഇന്ത്യ ഇനി എങ്ങിനെ സൌദിക്ക് പറക്കും!!?

January 10th, 2011

Share

ഈ വാര്‍ത്ത‍ വന്ന ശേഷം ട്രാവല്‍ ഓഫീസു കളില്‍   എയര്‍ ഇന്ത്യയുടെ ടിക്കെറ്റ് ന്നായി  നല്ല തിരക്ക് അനുഭവപ്പെടുന്നുണ്ടെന്നാണ്  സൌദിയുടെ പല ഭാഗത്തുനിന്നും ഉള്ള ബ്ലോഗരന്മാര്‍ പറയുന്നത്. എന്റെ ഓഫീസില്‍ തന്നെ ഇന്ത്യക്കാരായ യാത്രക്കാരെല്ലാം എയര്‍ ഇന്ത്യ ക്ക് തന്നെ ടിക്കെറ്റ് അനുവദിക്കണമെന്ന് ആവശ്യപ്പെട്ടു. ആറുമണിക്കൂര്‍ വൈകി പറക്കുന്ന വിമാനങ്ങള്‍ക്ക് ബാധകമാകുന്ന ഈനിയമം മൂന്നു ദിവസം വരെ താമസിച്ചു പുറപ്പെടുന്ന എയര്‍ ഇന്ത്യക്ക് യാത്ര ചെയ്‌താല്‍ കിട്ടാന്‍ പോകുന്നത് ഒരു കൊല്ലം ജോലി ചെയ്താല്‍ കിട്ടുന്ന കാശ് ആയതിനാല്‍ ഇനി എത്ര വൈകിയാലും ഞങ്ങള്‍ തയ്യാറാണെന്നാണ് യാത്രക്കാരുടെ പക്ഷം
ഇനി സൌദിയിലേക്ക് ഫ്ലൈറ്റ് പറപ്പിക്കണോ എന്ന് ആലോചിക്കു ന്നുണ്ടെന്ന്  ഇന്ത്യന്‍ വിമാന്‍ വൃത്തങ്ങള്‍ അറിയിച്ചു. എയര്‍ ഇന്ത്യക്ക്  എതിരെ ബ്ലോഗ്‌ എഴുതുന്ന സൌദിയിലെ ബൂലോക വാസികള്‍ പറ്റിച്ച പണിയാണിതെന്ന് ഒരു എയര്‍ ഇന്ത്യ ബ്ലോഗര്‍ പ്രസ്താവനയില്‍ കുറ്റപ്പെടുത്തി.

ബ്ലോഗ് എഴുതണമെങ്കില്‍ ലൈസന്‍സ്

ബ്ലോഗ് എഴുതണമെങ്കില്‍ ലൈസന്‍സ് എടുക്കണം

January 7th, 2011

Share

ഇനി നമ്മളെ യൊന്നും ഇവിടെ കാണുന്നില്ലെങ്കില്‍ ഒന്ന് വിചാരിച്ചാല്‍ മതി, ലൈ – സെന്‍സ്  ഇല്ലാതെ അകത്തായി എന്ന്. ഇവിടെ നിയമം പാലിച്ചില്ലെങ്കില്‍ പിടിച്ചങ്ങ് അകത്താക്കും ട്രാഫിക്  ലംഘനമാണെങ്കില്‍    മൂന്നു ദിവസം വരെ ഇരുട്ടുമുറിയില്‍ കഴിയേണ്ടി വരും പിന്നെ പിഴയും അടക്കണം. പിന്നെ സ്പോണ്‍സറിന്റെ  കയ്യേ കാലേ പിടിച്ചു പോലീസ് സ്റ്റേഷനില്‍  കൂട്ടികൊണ്ട് വരണം. അദ്ദേഹം വരാന്‍ താമസിക്കു ന്നതിനു അനുസരിച്ച് അകത്തു കിടക്കേണ്ട ദിവസത്തിന്റെ എണ്ണം കൂടാം.
വണ്ടി ഓടിക്കുന്നവരുടെ കാര്യം ഇങ്ങനെയെങ്കില്‍ ബ്ലോഗും ,ബസ്സും ഒക്കെ ഓടിക്കുന്നവരുടെ കാര്യവും മറിച്ച് ആയിരിക്കില്ല !!!

സൗദി അറേബ്യയില്‍ ഇനി ബ്ലോഗ് എഴുതണമെങ്കില്‍ ലൈസന്‍സ് എടുക്കണം. എല്ലാ ഇലക്ടോണിക് പ്രസാധകരും ലൈസന്‍സ് എടുക്കണമെന്നാണ് പുതിയ നിയമം. ഈ ലൈസന്‍സ് അവരവരുടെ വെബ്‍സൈറ്റില്‍ കാണിയ്ക്കുകയും വേണം. ന്യൂസ് പേപ്പറുകളും ഓണ്‍ലൈനായി വാര്‍ത്ത പ്രസിദ്ധീകരിയ്ക്കാന്‍ പുതിയ ലൈസന്‍സ് എടുക്കണം.
അറബ് പ്രദേശത്ത് ഏറ്റവും കൂടുതല്‍ ബ്ലോഗര്‍മാര്‍ ഉള്ളത് സൗദി അറേബ്യയിലാണ്. (വള്ളിക്കുന്നിനെയും അബ്ദുല്‍ ജലീലിനെയും പോലെയുള്ള പ്ര-ശസ്തരായ ബ്ലോഗറന്മാര്‍ ഈ മേഖലയിലാണ് ‌) കള്‍ച്ചര്‍ ആന്‍ഡ് ഇന്‍ഫര്‍മേഷന്‍ മിനിസ്ട്രി ആണ് ഈ പുതിയ നിയമം കൊണ്ട് വന്നിരിയ്ക്കുന്നത്. 20 വയസ് തികഞ്ഞ സൗദി അറേബ്യന്‍ പൗരനാണെങ്കില്‍ മാത്രമേ ലൈസന്‍സ് ലഭിയ്ക്കുകയുള്ളു. (ജിക്കു ഇവിടെയാണെങ്കില്‍ തെണ്ടിപോയേനെ!!) മാത്രമല്ല ഹൈസ്കൂള്‍ വിദ്യാഭ്യാസം എങ്കിലും നേടിയിരിയ്ക്കുകയും വേണം.
ഇത് സെന്‍സെര്‍ഷിപ്പ് അല്ലെന്ന് മന്ത്രാലയം വ്യക്തമാക്കിയിട്ടുണ്ട്. ഇ പ്രസാധനം നടത്തുന്ന് വ്യക്തികളും മന്ത്രാലയും തമ്മില്‍ ബന്ധം ഉണ്ടാവുക എന്നതാണ് ഇതിന് പിന്നിലെ ഉദ്ദേശം. വിവര-സാംസ്കാരിക മന്ത്രാലയത്തിന്റെ വക്താവ് അബ്ദ് അല്‍ റഹ്മാന്‍ ഹൂസ വ്യക്തമാക്കി. ഈ നിയമം പാലിച്ചില്ലെങ്കില്‍ പിഴ ഈടാക്കുകയോ സൈറ്റ് ബ്ലോക്ക് ചെയ്യുകയോ ചെയ്യാന്‍ സര്‍ക്കാരിന് അധികാരം ഉണ്ടായിരിയ്ക്കും. രജിസ്റ്റര്‍ ചെയ്യാനായി വ്യക്തിയുടെ പേരും വിലാസവും ടെലഫോണ്‍ നമ്പരും മാത്രമേ ആവശ്യമുള്ളു എന്നും ഹൂസ വ്യക്തമാക്കിയിട്ടുണ്ട്
അടുത്ത ബ്ലോഗ്‌ കണ്ടില്ലെങ്കില്‍ ഒന്ന് വിളിച്ചു നോക്കണേ!!(0506922835 )
എന്റെ ബ്ലോഗ്‌ പരമ്പര ദൈവങ്ങളെ …………………………..

നഷ്ട പരിഹാരം.

നഷ്ട പരിഹാരം.

January 5th, 2011

Share

അപകടങ്ങള്‍ പറ്റുമ്പോള്‍ അതിനു ഇരയാവന് കിട്ടുന്ന സഹായ  ധനമാണ് നഷ്ട പരിഹാരം. പ്രകൃതി ദുരന്തങ്ങളോ   റോഡ്‌ അപകടങ്ങളോ ഉണ്ടാകുമ്പോള്‍ നമ്മുടെ സര്‍ക്കാരുകള്‍ ദുരിതാശ്വാസ നിധിയില്‍ നിന്നും മറ്റും ആശ്വാസ ധനം നല്‍കുന്നു.
സര്‍ക്കാര്‍ കാര്യം മുറപോലെ എന്നൊക്കെ പറയുമ്പോലെ അതൊക്കെ കിട്ടുന്നതിനു
ചില നടപടിക്രമങ്ങളൊക്കെയുണ്ട് . എന്തായാലും ഇതൊക്കെ ഉദ്ദേശിക്കുന്നഫലം ചെയ്യുന്നുണ്ടോ  എന്നത് സംശയമാണ് . പ്രകൃതി ദുരന്തങ്ങളില്‍ അനുവദിക്കപ്പെടുന്ന
സാമ്പത്തിക സഹായം ലഭ്യമാകണമെങ്കില്‍ കുറെ ഏറെ രേഖകളുമായി ഓഫീസുകള്‍ കയറി ഇറങ്ങേണ്ടി വരും. ഒടുവില്‍ ആദര്‍ശം സംസാരിക്കുന്നവര്‍ പോലും അര്‍ഹ്തപ്പെട്ടവന്  നല്‍കാതെ, അടുപ്പക്കാരന് പതിച്ചു നല്‍കുന്ന ആദര്‍ശ് ഫ്ലാറ്റ് ഇടപാടുപോലെ അര്‍ഹത ഇല്ലാത്തവര്‍ തട്ടിയെടുക്കുന്ന കാഴ്ചയാണ് നമുക്ക് ചുറ്റും കാണാന്‍ കഴിയുക.


ഞാനിവിടെ പറഞ്ഞ -കല്ലുകള്‍ ചിതറി തെറിച്ചു വാഹനങ്ങള്‍ക്ക് കേടു പറ്റിയ (http://www.boolokamonline.com/?p=17829 )സംഭവത്തില്‍  റോഡ്‌
കോണ്ട്രാക്ടിംഗ്  കമ്പനി അപകടം പറ്റിയ എല്ലാ വാഹന ഉടമകള്‍ക്കും ഉടനടി നഷ്ടപരിഹാരം നല്‍കി അതിശയിപ്പിച്ചു കളഞ്ഞു. ഇങ്ങനെ ഒരു സംഭവം കേട്ടുകേള്‍വി ഇല്ലാത്തതുകൊണ്ടാകാം നമുക്ക് അത് അതിശയമായത്. അന്‍പതോളം കേടുപാടുകള്‍ വന്ന വാഹനങ്ങള്‍ക്ക് ലക്ഷ കണക്കിന് റിയാല്‍ നഷ്ടമായി നല്‍കേണ്ടി വന്നു.
ഒരു പക്ഷെ വേണ്ടത്ര സുരക്ഷ പാലിക്കാതിരുന്നത്  കാരണം കമ്പനിക്കു പിന്നീടു  പ്രോജക്റ്റ് കിട്ടാതെ വരും എന്നതാകണം ഈ പെട്ടെന്നുള്ള നടപടിക്കു കാരണം .
സൌദിയില്‍ സുരക്ഷയ്ക്ക് വളരെ പ്രാധാന്യം കല്പിക്കുന്നതിനാല്‍ അതില്‍ വീഴ്ച  വരുത്തുന്നവരെ  കരിമ്പട്ടികയില്‍ ഉള്‍പെടുത്താന്‍ ഇടയുള്ളതുകൊണ്ടാകാം പെട്ടെന്ന് ഒരു പ്രതികരണത്തിന് കാരണമായത്‌.
വാഹനത്തിനു വരുന്ന പണിയുടെ എസ്ടിമേറ്റ് തയ്യാറാക്കി നല്‍കിയാലുടന്‍ റെടി ക്യാഷ് കിട്ടുന്ന ഈ നടപടി എല്ലാവര്ക്കും ആശ്വാസവും അഭിനന്ദനീയവും ആയി. വമ്പന്‍ പ്രോജക്ടുകള്‍ ചെയ്യുന്ന വമ്പന്‍ കമ്പനികള്‍ക്ക്
ഇതൊക്കെ പെട്ടെന്ന് സാധ്യമാകുന്നു.

നമ്മുടെ നാട്ടില്‍ ആയാല്‍ ഇങ്ങനെ ഒരു നടപടി ഉടനടി പ്രതീക്ഷിക്കാവുന്നതല്ല.  MC റോഡ്‌ കരാറുകാരായ പതിബെന്‍  കമ്പനിക്കൊക്കെ കേരള  നാട്ടില്‍ നേരിടേണ്ടിവന്ന ദുരിതങ്ങള്‍ നമുക്കറിയാവുന്നതാണ്.  പണി പൂര്‍ത്തിയായി എത്ര കാലം കഴിഞ്ഞാലാണ് കരാറുകാരന് പണം മടക്കി കിട്ടുക. അതിന്നു  അനുസരിച്ചാണല്ലോ ചെയ്യുന്ന ജോലിയുടെ ഗുണ നിലവാരവും. പൊതുമരാമത്ത് വകുപ്പില്‍ ഒരു ബില്‍ പസ്സാകണമെങ്കില്‍ താഴെ തലം തൊട്ടു മുകളില്‍ വരെ കൈമടക്കു നല്‍കേണ്ടി വരുമെന്നതും എല്ലാവരും അറിയുന്ന സത്യം. ഈ അവസ്ഥകള്‍ക്ക് എന്നാണൊരു മാറ്റമുണ്ടാവുക.

ഭൂമി മോഹിച്ചവര്‍……..

ഭൂമി മോഹിച്ചവര്‍……..

January 4th, 2011

Share

ഒരാള്‍ക്ക് എത്ര ഭൂമി വേണം?


വിശ്വവിഖ്യാതനായ റഷ്യന്‍ സാഹിത്യകാരന്‍ ലിയോ ടോള്‍സ്റ്റോയിയുടെ ‘യുദ്ധവുംസമാധാനവും’ (War and Peace) എന്ന ചെറുകഥാ സമാഹാരത്തില്‍ മനോഹരമായ ഒരുകഥയുണ്‍ട്. ‘ഒരാള്‍ക്ക് എത്ര ഭൂമി വേണെം?’ എന്നാണ് കഥയുടെ പേര്.
രാജാവ് സൗജന്യമായി ഭൂമി വിതരണം ചെയ്യുന്ന വാര്‍ത്ത നാട്ടിലൊക്കെ വിളംബരംചെയ്തു. തികച്ചും സൗജന്യമായി വസ്തു സ്വന്തമാക്കാന്‍ ചെറിയ ഒരു നിബന്ധന
പാലിച്ചാല്‍ മതി. ഒരു ദിവസം ഒരാള്‍ എത്ര ഭൂമി നടന്നു പൂര്‍ത്തിയാക്കുന്നുവോ
അത്രയും സ്ഥലം അയാള്‍ക്ക് അവകാശമാ­ക്കാം.
ഭൂമി മോഹിച്ചെത്തിയവരുടെ കൂട്ടത്തില്‍ പാവപ്പെട്ട പാഹ­മെന്ന ഒരു
ചെറുപ്പക്കാരനും ഉണ്‍ടായിരുന്നു. രാവിലെ തന്നെ കൊട്ടാരത്തിലെത്തിയ പാഹമിന്
രാജസേവകന്‍ സ്വന്തമാക്കാനുള്ള ഭൂമി കാട്ടിക്കൊടുത്തു. അത്യുത്സാഹത്തോടെ അയാള്‍
നടപ്പാരംഭിച്ചു. നടന്നാല്‍ കുറച്ചു ഭൂമിയേ സ്വന്തമാക്കാന്‍ കഴിയൂ എന്ന്
ചിന്തിച്ച് അയാള്‍ വേഗം ഓടാന്‍ തുടങ്ങി. ഇടയ്ക്ക് കലശലായി ദാഹിച്ചെങ്കിലും
വെള്ളം കുടിക്കാന്‍ നിന്നാല്‍ സ്ഥലം നഷ്ടപ്പെടുന്നതോര്‍ത്ത് അതിന് തുനിഞ്ഞില്ല.
ഭക്ഷിക്കാന്‍ സമയം കളയാതെ കൂടുതല്‍ ഭൂമിയ്ക്കായി ഓട്ടം തുടര്‍ന്നു. ഇടയ്ക്ക്
കുഴഞ്ഞു വീണെങ്കിലും ഇഴഞ്ഞും വലിഞ്ഞുമൊക്കെ പാഹം ഭൂമി കൈവശമാക്കല്‍ അനസ്യൂതം
തുടര്‍­ന്നു. ഒടുവില്‍ സന്ധ്യയായപ്പോള്‍ രാജാവ് പാഹമിനെ അനുഗമിച്ച രാജസേവകനോട് പാഹം എത്ര
ഭൂമി സ്വന്തമാക്കി എന്ന് ചോദി­ച്ചു.
“ആറടി മണ്ണ്” സേവകന്‍ ഉത്തരം പറ­ഞ്ഞു.
യഥാര്‍ത്ഥത്തില്‍ എന്താണ് പാഹമിന് സംഭവിച്ചത്? വെള്ളം കുടിക്കാതെയും
ഭക്ഷണം ആസ്വദിക്കാതെയും ക്ഷീണിച്ചവശനായ പാഹം തളര്‍ന്നു വീണു മരിച്ചു. ആറടി
മണ്ണില്‍ കുഴിച്ച കുഴിയില്‍ അയാളെ അടക്കം ചെയ്തു.
ടോള്‍സ്റ്റോയി എഴുതിയ ഈ കഥയ്ക്ക് നാമുമായി എന്തെങ്കിലും ബന്ധമുണ്‍ടോ?
മനസ്സിരുത്തി
ചിന്തിച്ചാല്‍, നാമും ഈ പാഹമിനെപ്പോലെ­യല്ലെ?
വെട്ടിപ്പിടിക്കാനും സ്വന്തമാക്കാനുമുള്ള പരക്കം പാച്ചിലില്ലേ നാമോരുത്തരും!
ശരിക്കൊന്നു വിശ്രമിക്കാനാകാതെ, നന്നായി ഒന്നുറങ്ങാന്‍ കഴിയാതെ,
കുടുംബത്തോടൊപ്പം
അല്‍പ്പം സമയം ചെലവഴിക്കാനാകാതെ മക്കളുടെ കളികളും കുസൃതികളും ആസ്വദിക്കാന്‍
സാധിക്കാതെ എവിടേയ്ക്കാണീ ദ്രൂത ഗമ­നം?
വിദേശ രാജ്യങ്ങളില്‍ ജീവിക്കുന്ന കുടുംബങ്ങളുടെ അവസ്ഥ ഏറെ ദയനീയമാണ്.
ഭര്‍ത്താവ് ജോലിയില്‍ നിന്നു വരുമ്പോഴേയ്ക്കും ഭാര്യ ജോലിയ്ക്ക് പോകാന്‍
ഇറങ്ങിയിരിക്കും. ഇതിനിടയില്‍ കുട്ടികള്‍ സ്‌കൂളില്‍ പോയി വരുമ്പോഴേയ്ക്കും
ഒരാള്‍ ഉറക്കത്തിലും മറ്റൊരാള്‍ ജോലിയിലുമായിരിക്കും. കുടുംബാംഗങ്ങള്‍
ഒരുമിച്ചുള്ള സമയങ്ങള്‍ അപൂര്‍വ്വമായിരിക്കും. ആരാധനയ്ക്കും
കുട്ടായ്മയ്ക്കൂമൊക്കെ പോയി എന്നു വരുത്തിത്തീര്‍ക്കും. എല്ലാം ബാങ്ക്
ബാലന്‍സില്‍ കുറെ നമ്പറുകള്‍ കൂട്ടിച്ചേര്‍ക്കാന്‍ വേണ്‍ടി മാത്രം.
ആരോഗ്യമുള്ളപ്പോള്‍ അല്‍പ്പം സമ്പാദിച്ചു കൂട്ടാമെന്നു കരുതിയാണ്
ഓവര്‍ടൈമൊക്കെ ധാരാളം ചെയ്യുന്നത്. പിന്നീട് അല്‍പ്പം വിശ്രമിക്കാമെന്ന
ചിന്തയും മനക്കോട്ടയിലുണ്‍ട്. എന്നാല്‍ ജോലിയിലെ ടെന്‍ഷനും അസമയങ്ങളിലുള്ള
ആഹാരശീലവുമൊക്കെ ചേര്‍ന്ന് ഒരു രോഗിയായി മാറുകയാണവര്‍ എന്നറിയു­ന്നില്ല.
ഡയബെറ്റിസ് ആയതുകൊണ്‍ട് മധുരം കഴിക്കാനാകുന്നില്ല; പ്രഷര്‍ കൂടി
നില്‍ക്കുന്നതുകൊണ്‍ട് ഉപ്പിനും വിലക്ക്; അള്‍സര്‍ കുടലില്‍ ബാധിച്ചതിനാല്‍
എരിവും പറ്റില്ല. മധുരവും ഉപ്പും എരിവുമൊന്നുമില്ലാതെ ജീവിതത്തിന് എന്ത് രുചി
?
ഒരു സന്നിഗ്ദ ഘട്ടത്തിലെത്തി നില്‍ക്കുമ്പോള്‍ മനഃസാക്ഷി നമ്മോട് ചോദിക്കുന്ന
ഒരു ചോദ്യമുണ്‍ട്. എല്ലാം മറന്ന് ഓടിയതുകൊണ്‍ട് എന്തു നേടി? വിവിധ
ഡോക്‌ടേഴ്‌സിന്റെ മുറികളില്‍ കയറിയിറങ്ങാനോ? സുന്ദര സൗധങ്ങള്‍
പണിതുയര്‍ത്തിയിട്ട് ആശുപത്രിയിലെ മനം മടുപ്പിക്കുന്ന ഗന്ധങ്ങളുടെ ഇടയില്‍
ചികിത്‌സ തേടി കിടക്കാനോ? വലിയ വീട്ടിലെ പാറ്റയുടെയും പല്ലിയുടെയും
കണക്കെടുത്ത് ജീവിതം തള്ളിനീക്കാനോ?
കഷ്ടപ്പെട്ട് പഠിപ്പിച്ച മക്കളെ കണികാണാന്‍ പോലും കിട്ടുന്നില്ല. അവരൊക്കെ
നല്ല ജോലി തേടി വിദേശങ്ങളില്‍ സ്ഥിരതാമസമാകാകിയിരക്കുകയല്ലേ?
പാഹമിനെപ്പോലെ ഒടുവില്‍ ആറടിമണ്ണില്‍ വിലയം പ്രാപിക്കും. നേട്ടമെന്നു
ഗണിക്കാന്‍ അതുമാത്രം ഫലം.
 ഞാന്‍ വായിച്ച  ഒരു മെയില്‍.

ഗെയിംസില്‍ മലയാളി കുതിപ്പ്.

ഇന്ത്യക്ക് വീണ്ടും മെഡല്‍ പട്ടികയില്‍ സ്ഥാനകയറ്റം നല്‍കിക്കൊണ്ട് പ്രീജ ശ്രീധരനും
കവിത റാവത്തും 5000 മീറ്റര്‍  ഓട്ടത്തില്‍ യഥാക്രമാമം വെള്ളിയും വെങ്കലവും നേടിക്കൊണ്ട്
ഇന്ത്യയുടെ അഭിമാനമായിരിക്കുന്നു.
10000 മീറ്ററില്‍ ആദ്യം സ്വര്‍ണം  നേടി പ്രീജ തിളങ്ങിയിരുന്നു.


ടിന്റു ലൂക്കയും മെഡല്‍ നേടി പ്രശോഭിച്ചിട്ടുണ്ട്, തുഴയെറിഞ്ഞ് മെഡല്‍  നേടിയ മലയാളിതാരം
അതുപോലെ കേരളിത്തിനു അഭിമാനിക്കാന്‍ ഏഷ്യന്‍ ഗെയിംസിലും മെഡല്‍ നേട്ടവുമായി ഏറെ താരങ്ങള്‍ ഇവര്‍ക്ക് മതിയായ പ്രോത്സാഹനങ്ങള്‍ നല്‍കാന്‍  നമുക്ക്   കഴിയട്ടെ .
മിന്നുന്ന പ്രകടനങ്ങള്‍ കാഴ്ച വെച്ച ഇന്ത്യന്‍ താരങ്ങള്‍ക്കെല്ലാം അഭിനന്ദനങ്ങള്‍ ഭൂലോകത്തുനിന്നും.

പുരുഷ കബടിയിലും ഇന്ത്യ സ്വര്‍ണം സ്വന്തമാക്കി എന്നതാണ് അഭിമാനിക്കാന്‍ മറ്റൊന്ന്.

*ചിത്രങ്ങള്‍ ഗൂഗിളില്‍ നിന്ന്.

ഇസ്ലാമും ഫെമിനിസവും

ഇസ്ലാമും ഫെമിനിസവും ( ഇത് മറ്റൊരു സുഹുത് എഴുതിയ പോസ്റ്റ്‌.)

ഇസ്ലാമിനെതിരെയുള്ള വിമര്‍ശകന്മാര്‍ രണ്ട്‌തരക്കാരാണ്. ഒന്ന്, ജീവിതത്തെ ഗൗരവമായികാണാത്തവര്‍; പരമാവധി സുഖിക്കുകയെന്ന തങ്ങളുടെ ജീവിത തത്വശാസ്ത്രത്തിനു മുമ്പില്‍ ഇസ്ലാമിക മൂല്യങ്ങള്‍ തടസ്സമാകുമെന്ന് കരുതുന്നവര്‍. രണ്ട്‌, മതത്തെ തങ്ങളുടെ താല്‍പര്യത്തിനുവേണ്ടി ഉപയോഗിക്കുന്നവര്‍; ഏകദൈവാരാധന മൂലം ദൈവത്തിനും മനുഷ്യര്‍ക്കുമിടയിലെ കൂട്ടിക്കൊടുപ്പുകാര്‍ക്ക് പ്രസക്തി നഷ്ടപ്പെടുമെന്ന് മനസ്സിലാക്കിയവര്‍.

ഇസ്ലാമിന്‍റെ പക്ഷത്താണ് തങ്ങളെന്ന് ആണയിട്ടുകൊണ്ട് അതിന്‍റെ സാര്വകാലികതയെ ചോദ്യം ചെയ്യുന്ന അഴകൊഴമ്പന്‍ നിലപാടുമായി ചിലര്‍ രംഗത്ത് വരാറുണ്ട് .ഇസ്ലാമിനെതിരെയുള്ള സ്ത്രീ പക്ഷ വിമര്‍ശനങ്ങളോട് ക്ഷമാപണ സ്വരത്തില്‍ പ്രതികരിക്കുകയും ശത്രു പക്ഷത്തിന്‍റെ അമ്പുകള്‍ തേനില്‍ മുക്കിഎയ്തുവിടുകയും ചെയ്യുന്ന’ ഇസ്ലാമിക്‌ ഫെമിനിസ്റ്റുകള്‍ ‘ ഈ വിഭാഗത്തിലാണ് ഉള്‍പ്പെടുക .ആട്ടിന്‍ തോലണിഞ്ഞ ചെന്നായയുടെ ദൗത്യം നിര്‍വഹിക്കുന്ന ഇവരുടെ ഗ്രന്ഥങ്ങളെ ആശ്രയിച്ചു ഇസ്ലാം വിമര്‍ശനങ്ങള്‍ക്ക് മറുപടി പറയാന്‍ ശ്രമിക്കുന്നവരുണ്ട് .ആറാം നൂറ്റാണ്ടിലെ അറേബ്യന്‍ സാഹചര്യത്തില്‍ സാമൂഹ്യ നവോത്ഥാനം നിര്‍വഹിച്ച ഒരു കേവല പ്രസ്ഥാനമായി ഇസ്ലാമിനെ ആപതിപ്പിക്കുവനാണ് ഇത്തരക്കാര്‍ അറിന്നോ അറിയാതെയോ കൂട്ടു നില്‍ക്കുന്നത് .ഇസ്ലാമിനെകുറിച്ച അപകര്‍ഷതാബോധമാണ് ഇത്തരക്കാരുടെ കൈമുതല്‍.

ഇസ്ലാമിനെതിരെയുള്ള സ്ത്രീപക്ഷ വിമര്‍ശനങ്ങള്‍ക്ക് മറുപടി പറയാന്‍ ഖുര്‍ആനും സുന്നത്തും സച്ചിതരായ മുന്‍ഗാമികളുടെ നടപടികളും തന്നെ ആവശ്യത്തിനുള്ള ആയുധങ്ങള്‍ നല്‍കുന്നുണ്ട് .പ്രസ്തുത ആയുധങ്ങള്‍ മൂ൪ച്ചപ്പെടുത്തുക മാത്രമാണ് പ്രബോധകരുടെ കടമ .ഫെമിനിസ്റ്റുകളില്‍നിന്നു സാമൂഹ്യശാസ്ത്രവും മാര്‍ക്സിസ്റ്റുകളില്‍നിന്നു മതവും പഠിച്ചവര്‍ ക്ഷമാപണ സ്വരത്തില്‍ സ്ത്രീപക്ഷ വിമര്‍ശനങ്ങളെ സമീപിക്കാറുണ്ട്.സ്ത്രീപക്ഷ വാദികളുടെ അച്ചില്‍ ഇസ്ലാമിനെ വാ൪ത്തെടുക്കനാണ് അവര്‍ പരിശ്രമിക്കുന്നത് .ഇസ്ലാമിന്‍റെ രക്ഷകരായി സ്വയം ചമയുന്ന ഇവര്‍ യഥാര്‍ത്ഥത്തില്‍ ചെയ്യുന്നത് സത്യമതത്തെ വികലമാക്കുകയാണ് ;അതിന്‍റെ ദൈവികതയെയും അപ്രമാദിത്വത്തെയും അജയ്യതയെയും നിഷേധിക്കുകയാണ് .

പുരുഷാധിപത്യതിലധിഷ്ടിതമായ ഒരു ധാര്‍മിക വ്യവസ്ഥയാണ്‌ ഇസ്ലാമിന്‍റെതെന്ന ആരോപണത്തില്‍ നിന്നാണ് ഇസ്ലാമിനെതിരെയുള്ള സ്ത്രീപക്ഷ വിമര്‍ശനം ആരംഭിക്കുന്നത് .അടിസ്ഥാന രഹിതമായ ഒരു ആരോപണമാണിത് .പുരുഷന്റെയും സ്ത്രീയുടെയും സ്രിഷ്ട്ടാവിനാണല്ലോ അവരുടെ പ്രകൃതിയെ കുറിച്ച് നന്നായരിയുക .ദൈവംതമ്പുരാന്‍ നീര്‍ദേശിക്കുന്ന ധാര്‍മിക വ്യവസ്ഥ ഒരിക്കലും തന്നെ ഒരു വിഭാഗത്തിന്‍റെ അധ:സ്ഥിത്വത്തിനും നിമിത്തമാവുകയില്ലെന്ന് അല്‍പം ചിന്തിച്ചാല്‍ ബോധ്യമാവും .അപ്പോള്‍ പ്രശ്നം ധാര്‍മിക വ്യവസ്തയുടെതല്ല .മറിച്ച് ,അതിനെ അളക്കാനുപയോഗിക്കുന്ന അളവുകോലിന്റെതാണ് .

പുരുഷന്റെയും സ്ത്രീയുടെയും സഹകരണവും പരസ്പര്യവുമാണ് കുടുംബമെന്ന സ്ഥാപനത്തിന്‍റെ നിലനില്‍പിന്ന് ആധാരമെന്നാണ് ഖുര്‍ആന്‍ പഠിപ്പിക്കുന്നത്‌ .ധാര്‍മിക വ്യവസ്ഥ നിലനില്കണമെങ്കില്‍ കുടുംബമെന്ന സ്ഥാപനം കെട്ടുറപ്പോടുകൂടി നിലനില്‍ക്കണമെന്ന അടിത്തറയില്‍ നിന്നുകൊണ്ടാണ് ഖുര്‍ആന്‍ നിയമങ്ങള്‍ ആവിഷ്കരിക്കുന്നത് .കുടുംബംതന്നെ തകരെണ്ടതാണെന്ന തത്വശാസ്ത്രത്തില്‍ വിശ്വസിക്കുന്നവര്‍ക്ക് ഖുര്‍ആനിക നിയമങ്ങള്‍ അസ്വീകര്യമായി അനുഭവപ്പെട്ടേക്കാം .എന്നാല്‍ ,ധാര്‍മ്മികതയില്‍ അധിഷ്ടിതമായ മനുഷ്യ സമൂഹത്തിന്‍റെ നിലനില്‍പ്പിനെ കുറിച്ച് ചിന്തിക്കുന്നവര്‍ക്കുതന്നെ ഏതെങ്കിലുമൊരു ഖുര്‍ആനിക നിയമം പുരുഷാധിപത്യതിലധിഷ്ടിതമാണെന്നു പറയാന്‍ കഴിയില്ല.

കുടുംബമെന്ന സ്ഥാപനത്തിന്‍റെ കെട്ടുറപ്പും ഭദ്രതയും ഉറപ്പുവരുതുന്നതിന്നു സ്ത്രീക്കും പുരുഷനും അവരുടെതായ പങ്കുവഹിക്കാനുന്ടെന്നാണ് ഖുര്‍ആന്‍ പഠിപ്പിക്കുന്നത്‌ .അവരുടെ അവകാശങ്ങളെയും ഉത്തരവാദിത്യങ്ങളെയും ബാദ്ധ്യതകളെയും കുറിച്ച ഇസ്ലാമിക നിയമങ്ങള്‍ ഈ അടിത്തറയില്‍ നിന്നുകൊണ്ടുള്ളതാന്നു.

പുരുഷനെപ്പോലെതന്നെ സ്ത്രീയും പടച്ചതമ്പുരാന്‍റെ സവിശേഷസൃഷ്ട്ടിയാണെന്നാണ് ഖുര്‍ആനിക അധ്യാപനം

“മനുഷ്യരെ ,നിങ്ങളെ ഒരേ ആത്മാവില്‍ നിന്ന് സൃഷ്ടിക്കുകയും അതില്‍ നിന്നുതന്നെ അതിന്‍റെ ഇണയെയും സൃഷ്ടിക്കുകയും അവര്‍ ഇരുവരില്‍നിന്നുമായി ധാരാളം പുരുഷന്മാരെയും സ്ത്രീകളെയും വ്യാപിപ്പിക്കുകയും ചെയ്തവനായ നിങ്ങളുടെ രക്ഷിതാവിനെ നിങ്ങള്‍ സൂക്ഷിക്കുവിന്‍ “( 4 .1)

ഇവിടെ പുരുഷനും സ്ത്രീയും ഒരേ ആത്മാവില്‍ നിന്നാണ് സ്രിഷ്ടിക്കപ്പെട്ടിട്ടുള്ളതെന്ന വസ്തുതയാണ് ഖുര്‍ആന്‍ സൂചിപ്പിക്കുന്നത് ;പുരുഷനും സ്ത്രീയും ഒരേ ആത്മാവില്‍ രണ്ടു അംശങ്ങങ്ങളാണെന്ന വസ്തുത .ഈ രണ്ടു അംശങ്ങളും കൂടിച്ചേരുമ്പോഴാണ് അതിനു പൂര്‍ണ്ണത കൈവരിക്കുന്നത് .അഥവാ സ്ത്രീയുടെയും പുരുഷന്റെയും പാരസ്പര്യതിലാണ് ജീവിതം പൂര്‍ണ്ണമാകുന്നത് .സ്ത്രീ-പുരുഷ ബന്ധത്തിലെ സ്നേഹത്തിന്റെയും കാരുണ്യത്തിന്റെയുമെല്ലാം ഉറവിടം ഈ പരസ്പര്യമാണ് .ദമ്പതികള്‍ തമ്മില്‍ നിലനില്‍ക്കുന്ന കരുണയും സ്നേഹവുമെല്ലാം ദൈവദ്രിഷ്ട്ടാന്തങ്ങളാണെന്നാണ് ഖുര്‍ആനിക കാഴ്ചപ്പാട് .

“നിങ്ങള്‍ സമാധാനപൂര്‍വ്വം ഒത്തുചേരേണ്ടാതിനായി നിങ്ങളില്‍നിന്നുതന്നെ നിങ്ങള്ക്ക് ഇണകളെ സൃഷ്ടിക്കുകയും നിങ്ങള്‍ക്കിടയില്‍ സ്നേഹവും കാരുണ്യവും ഉണ്ടാക്കുകയും ചെയ്തതും അവന്‍റെ ദ്രിഷ്ട്ടാന്തങ്ങളില്‍ പെട്ടതത്രെ .തീര്‍ച്ചയായും അതില്‍ ചിന്തിക്കുന്ന ജനങ്ങള്‍ക്ക്‌ ദ്രിഷ്ടാന്തമുണ്ട് .”(30 .21)

ലിംഗത്തിന്‍റെ അടിസ്ഥാനത്തിലുള്ള വിവേചനത്തെ ഖുര്‍ആന്‍ അംഗീകരിക്കുന്നില്ല .സ്ത്രീ പുരുഷ സമത്വമെന്ന ആശയത്തെ അത് നിരാകരിക്കുകയും ചെയ്യുന്നു .സ്ത്രീ – പുരുഷന് സമമോ -പുരുഷന്‍ – സ്ത്രീക്ക് സമമോ ആവുക അസാധ്യമാണെന്നാണ് അതിന്‍റെ വീക്ഷണം .അങ്ങനെ ആക്കുവാന്‍ ശ്രമിക്കുന്നത് പ്രകൃതി വിരുദ്ധമാണ് .സ്ത്രീയും പുരുഷനെയും പ്രകൃതി അവര്‍ക്കനുവധിച്ച സ്ഥാനങ്ങളില്‍ നിര്‍ത്തുകയാണ് ഖുര്‍ആന്‍ ചെയ്യുന്നത് .പ്രകൃതി സ്ത്രീക്കും പുരുഷനും നല്‍കിയ സ്ഥാനങ്ങള്‍ തന്നെയാണ് പ്രക്രിതിമതമായ ഇസ്ലാമും അവര്‍ക്ക് നല്‍കുന്നത് .

പെണ്ണിനോട് ബാദ്ധ്യതകളെ കുറിച്ചും ആണിനോട് അവകാശങ്ങളെ കുറിച്ചും സംസാരിക്കുന്ന ആണ്കൊയ്മ വ്യവസ്ഥിതികളുടെ രീതി ഇസ്ലാമിന് പരിചയമുള്ളതല്ല .ഖുറാന്‍ ആണിനോടും പെണ്ണിനോടും തങ്ങളുടെ ബാദ്ധ്യതകളെയും അവകാശങ്ങളെയും കുറിച്ച സംസാരിക്കുന്നുണ്ട് .”സ്ത്രീകള്‍ക്ക് ബാദ്ധ്യതകള്‍ ഉള്ളതുപോലെതന്നെ ന്യായമായ അവകാശങ്ങളുണ്ട്. (2:28)എന്നാണ് ഖുറാന്‍ അസഗ്നിധമായി പ്രഖ്യാപിക്കുന്നത്.ഈ പ്രഖ്യാപനമുള്‍കൊള്ളുന്ന ഖുര്‍ആന്‍ ആണ്കൊയ്മ വ്യവസ്ഥിതിയുടെ സൃഷ്ടിയാണെന്ന് പറയുന്നതെങ്ങനെ ?സ്ത്രീയുടെ അവകാശങ്ങളെ കുറിച്ച് ഖുരാനിനെപ്പോലെ വ്യക്തവും വിഷധവുമായി പ്രതിപാദിക്കുന്ന മറ്റൊരു മതഗ്രന്ഥവുംമില്ലെന്നതാണ് വാസ്തവം.

പൗരാണിക സമൂഹങ്ങളില്‍ സ്ത്രീകള്‍പീഡിപ്പിക്കപ്പെട്ടുകൊണ്ടിരിക്കുകയായിരുന്നുവെന്നും ആധുനിക ജനാധിപത്യവും കമ്യൂണിസവുമാണ് വനിതവിമോചനത്തിനു

വഴിമരുന്നിട്ടതെന്നുമാണ് പൊതുവായ സ്ത്രീപക്ഷ വിലയിരുത്തല്‍ .പെണ്ണിനെ പുരുഷനാക്കാന്‍ പുറപ്പെടുന്ന സ്ത്രീപക്ഷവായനയില്‍ ആധുനിക ദര്‍ശനങ്ങള്‍ എത്രത്തോളം സ്ത്രീ വിരുദ്ധമാണെന്ന് നമുക്ക് മനസ്സിലാവൂ .

ഉല്‍പാദന ബന്ധങ്ങളുടെ മാത്രം അടിസ്ഥാനത്തില്‍ മനുഷ്യനെ വിലയിരുത്തുന്ന മാര്‍ക്സിസ്റ്റ്‌ സമ്പ്രദായം കുടുംബ വ്യവസ്ഥയെയും ധാര്‍മിക മൂല്യങ്ങളെയുമെല്ലാം ചൂഷണ വ്യവസ്ഥയുടെ ഉപോല്പന്നമായാണ് ഗണിക്കുന്നത് .സ്ത്രീയും പുരുഷനും എല്ലാ നിലയ്ക്കും സ്വതന്ത്രരായ ,യാതൊരു രീതിയിലുള്ള പാരസ്പര്യവുമില്ലാത്ത രണ്ടു വ്യക്തികളാനെന്ന വീക്ഷണത്തില്‍ നിന്നാണ് മുകളില്‍ പറഞ്ഞ കമ്യൂണിസ്റ്റ് കാഴ്ചപ്പാടിന്‍റെ ഉല്പത്തി .സമൂഹത്തില്‍ നിലനില്‍ക്കല്‍ അനിവാര്യമായ സ്ഥാപനമാണ്‌ കുടുംബമെന്ന വസ്തുത മാര്‍ക്സിസിറ്റ് ധൈഷനികന്മാര്‍ പരിഗനിചിട്ടെയില്ല .കുടുംബത്തില്‍ സ്ത്രീയുടെയും പുരുഷന്റെയും ധര്‍മ്മങ്ങള്‍ വ്യത്യസ്തവും അതേസമയം ,പരസ്പരം പൂരകവുമാണ് എന്നാ വസ്തുതയും അവര്‍ കാണാന്‍ കൂട്ടാക്കുന്നില്ല .സംഘട്ടനത്തിലൂടെ പുരോഗതിയെന്ന മാര്‍ക്സിസ്റ്റ്‌ വൈരുധ്യാത്മകതയുടെ ആദര്‍ശത്തിനു എതിരാണല്ലോ സ്ത്രീ പുരുഷ പരസ്പര്യമെന്ന ആശയം .സ്ത്രീയെ പുരുഷനെപ്പോലെ ജോലി ചെയ്യുന്നവളാക്കുന്നതും രണ്ടു പേരുടെയും ഇഷ്ടങ്ങള്‍ക്കനുസരിച്ചു ഇണകള്‍ മാറിവരണമെന്ന് സിദ്ധാന്തിക്കുന്നതും ഈയൊരു കാഴ്ചപ്പാടിന്‍റെ പരിമിതികൊണ്ടാണ് .പ്രകൃത്യാ തന്നെയുള്ള സ്ത്രീ -പുരുഷ വ്യത്യാസമോ വികാരങ്ങളിലുള്ള വ്യതിരിക്തതയോ പരിഗണിക്കാന്‍ മാര്‍ക്സിസത്തിന് കഴിയുന്നില്ല .തൊഴിലിന്‍റെ അടിസ്ഥാനത്തിലാണ് അത് സ്ത്രീയെ അളക്കുന്നത് .അവളിലെ അമ്മയെ കാണാന്‍ അത് കൂട്ടക്കുന്നേയില്ല. അവളുടെ അബലതകളെയും പ്രയാസങ്ങളെയും അത് പരിഗണിക്കുന്നില്ല.അവള്‍ക്കു താങ്ങായി വ൪ത്തിക്കേണ്ടാവനാണ് പുരുഷനെന്ന വസ്തുത അതിനു ഉള്‍കൊള്ളാനാവുന്നില്ല .ചുരുക്കത്തില്‍,സ്ത്രീയുടെ പേശീ ബലത്തിന്‍റെ അടിസ്ഥാനത്തിലാണ് മാര്‍ക്സിസം അവളെ അളക്കുന്നത് .അതിനു കാരണമുണ്ട് .രണ്ടു പുരുഷന്മാരുടെ മസ്തിഷ്കത്തില്‍ നിന്ന് ഉയിര്‍കൊണ്ട ദര്‍ശനമാണല്ലോ അത് .അവരാണെങ്കില്‍ ഉല്‍പാദന ബന്ധങ്ങളുടെ അടിസ്ഥാനത്തില്‍ മാത്രം ലോകത്തെ എല്ലാ കാര്യങ്ങളെയും നോക്കികണ്ടാവരുമാണ് .അതുകൊണ്ട് തന്നെ സ്ത്രീയെ കുറിച്ച മാര്‍ക്സിസ്റ്റ്‌ വീക്ഷണത്തിന് പത്തൊന്‍പതാം നൂറ്റാണ്ടിന്റെ ആണ്കൊയ്മ വ്യവസ്ഥയുടെ ചുവയുന്ടെന്നതാണ് വാസ്തവം .പെണ്ണിന്‍റെ മാത്രം പ്രത്യേകതകളെ കാണാന്‍ അത് തീരെ കൂട്ടാക്കുന്നില്ല .

സ്ത്രീയുടെ മഹത്വം അളക്കേണ്ടത്‌ അവളുടെ പേശീബലം നോക്കിയിട്ടല്ല .അവളുടെ പെരുമാറ്റ രീതിയുടെ അടിസ്ഥാനത്തിലനെന്നാണ് മുഹമ്മദ്‌ നബിയുടെ (സ) ഉദ്ബോധനം .’മനുഷ്യന്‍റെ ഏറ്റവും മികച്ച വിഭവമാണ് സദ്‌വൃത്തയായ സ്ത്രീ ’എന്ന് അദ്ദേഹം പറയുകയുണ്ടായി .കുടുംബത്തിന്‍റെ നായികയും സമൂഹത്തിന്‍റെ മാതാവും ആണ് സ്ത്രീ .അവള്‍ക്കു താങ്ങും തണലുമായിത്തീരുകയാണ് പുരുഷന്‍ വേണ്ടത് .അവളുടെ അബലതകളെ അറിയുകയും അവളുടെ താങ്ങായി തീരാന്‍ പുരുഷനെ സജ്ജമാക്കുകയും ചെയ്യുന്നവയാണ് ഖുറാനിലെ നിയമങ്ങള്‍ .സ്ത്രീകള്‍ക്ക് ബാധ്യതകള്‍ ഉള്ളതുപോലെതന്നെ ന്യായപ്രകാരമുള്ള അവകാശങ്ങലുമുണ്ട് ( 2 .228) എന്ന ഖുരാനിക പ്രസ്താവന ഇക്കാര്യങ്ങളെല്ലാം ദ്യോതിപ്പിക്കുന്നതാണ് .പ്രസ്തുത പ്രസ്താവനയാണ് ഇസ്ലാമിലെ കുടുംബ നിയമങ്ങളുടെയെല്ലാം അടിസ്ഥാനം .മുതലാളിത്ത ലോകത്ത് സ്ത്രീയും പുരുഷനും തുല്യമല്ലേ ?ഓഫീസുകളിലെ സ്ത്രീ-പുരുഷ അനുപാതം മാത്രം നോക്കികൊണ്ട്‌ മറുപടിപറയുന്നവര്‍ക്ക് ‘അതെ ’എന്ന് ഉത്തരം പറയാനായേക്കും .പക്ഷെ സ്ത്രീയില്‍നിന്നു പ്രകൃതി ആവശ്യപ്പെടുന്ന കാര്യങ്ങള്‍ നിര്‍വഹിക്കുന്നതില്‍ നിന്ന് മുതലാളിത്വം അവളെ തടഞ്ഞു നിര്ത്തുന്നുവെന്ന വസ്തുത കാണാന്‍ അവര്‍ കൂട്ടാക്കുന്നില്ല .പുരുഷനോടൊപ്പം പണിയെടുക്കുവാനും ശമ്പളം വാങ്ങുവാനും അങ്ങാടിയിലിറങ്ങി നടക്കുവാനും ആധുനിക ജനാധിപത്യത്തിന്നു സ്ത്രീയോട് പറയാന്‍ കഴിയും .എന്നാല്‍ സ്ത്രീയെപ്പോലെ ഗര്‍ഭം ധരിക്കുവാനും പ്രസവിക്കുവാനും മുലയൂട്ടാനും പുരുഷനോട് പറയുവാന്‍ ആര്‍ക്കാണ് സാധിക്കുക ?പിതാവാരാണെന്നരിയാത്ത കുഞ്ഞിനെ പേറുന്ന പെണ്ണിന് ചെലവുകൊടുക്കാന്‍ രാഷ്ട്രത്തോട് ആവശ്യപ്പെടാന്‍ മുതലാളിത്തത്തിന്കഴിഞ്ഞേക്കും .വയറ്റില്‍ കിടക്കുന്ന കുഞ്ഞിന്‍റെ പിതാവിന്‍റെ തലോടല്‍ ഏല്‍ക്കാന്‍ കൊതിക്കുന്ന പെണ്ണിന് സാന്ത്വനമേകാന്‍ ഏതു തത്വശാസ്ത്രെത്തിനാണ് കഴിയുക ?തന്തയും തള്ളയും ഇല്ലാത്ത കുഞ്ഞുങ്ങള്‍ക്ക് ‘ബേബി ഫൂടുകള്‍ ‘നല്‍കാന്‍ ഉപഭോഗ സംസ്കാരത്തിനാകുമായിരിക്കും .മാതാവിന്‍റെ ലാളനയും പിതാവിന്‍റെ സംരക്ഷണവും കൊതിക്കുന്ന കുരുന്നു മനസ്സുകളെ സംതൃപ്തമാക്കാന്‍ ഏതു ടെലിവിഷന്‍ പരസ്യത്തിനാണ് സാധിക്കുക .?

സ്ത്രീ-പുരുഷ സമത്വം ഒരു മിഥ്യയാണ് ;ആധുനിക ജനാധിപത്യം മീഡിയ ഉപയോഗിച്ച് മനുഷ്യമനസ്സുകളില്‍ സന്നിവേശിപ്പിച്ച ഒരു മിഥ്യ .സ്ത്രീക്ക് പുരുഷനെപ്പോലെയകാന്‍ കഴിയില്ല ;പുരുഷന്നു സ്ത്രീയെ പ്പോലെയും .പുരുഷനെപ്പോലെ ആകണമെന്ന് പെണ്ണിനെ പഠിപ്പിക്കുന്ന പാശ്ചാത്യ ജനാധിപത്യം സ്ത്രീജീവിതം ദുസ്സഹമാക്കുകയാണ് ചെയ്യുന്നത് .അതിലൂടെ കുടുംബത്തെ അത് തകര്‍ക്കുന്നു ;സമൂഹത്തിന്‍റെ ധാര്‍മിക നിലവാരത്തെയും .

മുതലാളിത്തം ലോകത്തെ എന്തിനെയും കാണുന്നത് ഉപഭോഗ വസ്തുവായിട്ടാണ് .സ്ത്രീയും പുരുഷനുമൊന്നും അതില്‍ നിന്ന് വ്യത്യസ്തമല്ല .അവരുടെ വികാരങ്ങളോ പ്രശ്നങ്ങളോ അതിന്‌ പ്രശ്നമല്ല .അങ്ങാടികളിലെക്കാണ് അത് നോക്കുന്നതു അവിടത്തെ ക്രയ വിക്രയത്തെ സ്നിഗ്ധ മാക്കുന്ന വസ്തുക്കളെ കുറിച്ച് മാത്രമേ അത് ചിന്തിക്കുന്നുള്ളൂ .പെണ്ണിന് മുതലാളിത്തത്തിലുള്ള സ്ഥാനമിതാണ് .അവള്‍ മോഡലാണ്, കാള്‍ ഗേള്‍ ആണ്, സെക്രട്രറിയാണ്‌, നര്‍ത്തകിയാണ് ,നായികയാണ് ,പക്ഷെ അവളെ ഒരിക്കലും അമ്മയാകാന്‍ മുതലാളിത്വം അനുവദിക്കില്ല. അമ്മയാകുമ്പോള്‍ അവളുടെ ‘അങ്ങാടി നിലവാരം നഷ്ട്ടപ്പെടുമല്ലോ! പിന്നെയവള്‍ വൃദ്ധയായി, വൃദ്ധ സദനത്തിലെ അന്തെവാസിയായ്‌ മരണത്തിലേക്കുള്ള ദിവസങ്ങള്‍ എണ്ണികഴിയാന്‍ വിധിക്കപ്പെട്ടവള്‍.

ഇസ്ലാം പ്രായോഗിക ധാര്‍മിക വ്യവസ്ഥിതിയാണ് അവതരിപ്പിക്കുന്നത്‌. മനുഷ്യ പ്രകൃതിയുമായി സദാ സമരപ്പെട്ടുപോകുന്ന ഒരു പ്രായോഗിക വ്യവസ്ഥിതി. തുടുത്ത കവിളും ചുളിയാത്ത തോലിയുല്ലവള്‍ മാത്രമല്ല അതിന്റെ വീക്ഷണത്തില്‍ മനുഷ്യന്‍ .ഗര്‍ഭസ്ഥശിശുവിനെ മുതല്‍ കുഴിയിലേക്ക് കാലുനീട്ടിയിരിക്കുന്നവരെ (?)വരെ അത് പരിഗണിക്കുന്നു. ശവശരീരത്തോട് പോലും അനീതി ചെയ്യാന്‍ പാടില്ലെന്നാണ് അതിന്റെ നിര്‍ദേശം .മുതലാളിത്തത്തിന്റെ ഉപഭോഗ ക്ഷമതാവാദവുമായി ഇസ്ലാം പൊരുത്തപ്പെടുന്നില്ല .സ്ത്രീയെ കുറിച്ച ഖുര്‍ആനിക വീക്ഷണം

നിനക്കാത്ത കല്ല്‌ മഴ.

നിനക്കാത്ത കല്ല്‌ മഴ.

January 3rd, 2011

Share

പിന്നിലെ ഗ്ലാസ്‌ പൊട്ടിയ നിലയില്‍

ഇന്നലെ  ഉച്ചക്ക്  രണ്ടുമണി,

ഊണ് കഴിഞ്ഞ് ഓഫീസില്‍ എത്തി പത്രത്തിന്റെ സോഫ്റ്റ്‌ കോപ്പിയില്‍ കണ്ണും  നട്ടിരിക്കുമ്പോള്‍ പെട്ടെന്നൊരു കുലുക്കം അഞ്ചു നിലകളുള്ള കെട്ടിടം ആകെയൊന്നു   ഉലഞ്ഞു, എല്ലാവരും ഒന്ന് അമ്പരന്നെങ്കിലും തൊട്ടടുത്ത്‌  നടക്കുന്ന  റോഡ്‌ വര്‍ക്കിന്റെ ഭാഗമായി ഇടക്കൊക്കെ  ഇങ്ങനെ ചെറിയ  ഇളക്കങ്ങള്‍  ഇപ്പോള്‍ പതിവാണ്   .

എങ്കിലും ഇതൊരു  ഭൂചലനത്തിന്റെ പ്രതീതി ഉണ്ടാക്കി. സാധാരണയില്‍ കവിഞ്ഞ ഈ ശബ്ദവും ചലനവും  എല്ലാവരിലുംഅല്പം ഞെട്ടല്‍  ഉളവാക്കി. ഉടനെതന്നെ സുഹൃത്തായ സുഡാനിയുടെ ഫോണ വന്നു , മറ്റൊരു സഹപ്രവര്‍ത്തകന്റെ കാറിന്റെ ഗ്ലാസ്‌ തകര്‍ന്നതായി അറിയാന്‍ കഴിഞ്ഞു. സൗദി കളായ സുഹൃത്തുക്കള്‍ ചോദിച്ചത്  എവിടെയാണ് ബോമ്പ്  പൊട്ടിയത് എന്നായിരുന്നു! നമ്മുടെ നാട്ടില്‍ പാറ പൊട്ടിക്കുന്ന ശബ്ദം കേള്‍ക്കുന്നതിനെക്കാള്‍ ഇവര്‍ക്ക് ഇവിടെ പരിചയമുള്ളത്‌ ബോമ്പ്  പൊട്ടുന്ന  ശബ്ദംമാണ് .

പിന്‍ വശത്തെ ഗ്ലാസ്‌ തകര്‍ന്ന നിലയില്‍.

കോബാര്‍  – ദഹറാന്‍      റോഡില്‍   പുതുതായി  നിര്‍മിക്കുന്ന  അണ്ടര്‍    ഗ്രൌണ്ട്  റോഡിന്റെ  പണിയുടെ ഭാഗമായി  പാറ പൊട്ടിച്ചു മാറ്റി കൊണ്ടിരിക്കുകയാണ്. അതിലൊന്നാണ് ഇന്നലെ വളരെ ശക്തമായി പൊട്ടി തെറിച്ചത്‌. ഏതാണ്ട് ഇരുനൂറ്റി അമ്പതു മീറ്റര്‍ ചുറ്റളവില്‍ അതില്‍ നിന്നുള്ള കല്ലുകള്‍ തെറിച്ചു വീണു. ആ  ഭാഗത്ത്‌  പാര്‍ക്ക്  ചെയ്തിരുന്ന മിക്ക   വാഹനങ്ങളുടെയും  ഗ്ലാസ്‌  തകര്‍ന്നു .  കല്ലുകള്‍  ചിതറി  തെറിച്ചത്‌  കാരണം  ഒരു  കല്ല്‌  മഴയുടെ  പ്രതീതി  തന്നെ  ആയിരുന്നതായി  കണ്ടവര്‍  പറഞ്ഞു. വാഹനം ഉള്ളവരൊക്കെ പെട്ടെന്ന് തന്നെ ഇറങ്ങി പരിശോധിച്ചു . പരിസരത്തെ എല്ലാ വാഹനങ്ങള്‍ക്കും തന്നെ കല്ലുകള്‍ വീണു കേടുപാടുകള്‍ പറ്റിയിട്ടുണ്ട്. വാഹന ഉടമകള്‍ അറിയിച്ചതിനാല്‍ പോലീസ് എത്തി വീഡിയോ പകര്‍ത്തി. നഷ്ട പരിഹാരം ലഭിക്കുമെന്ന വിശ്വാസത്തിലാണ് ഉടമകള്‍ . തൊട്ടടുത്ത ഗ്ലാസ്‌ പതിച്ച കെട്ടിടങ്ങളിലും(ഹുണ്ടായി ഷോ റൂം) കല്ല്‌ വീണു ഗ്ലാസ്‌ തകര്‍ന്നു.

 

കെട്ടിടത്തിന്റെ ഗ്ലാസ് തകര്ന്നനിലയില്‍

കല്ലുകള്‍ ചിതറിക്കിടക്കുന്നു.

എന്റെ പാവം മൊബൈലില്‍ ഞാന്‍ പകര്‍ത്തിയ ചിത്രങ്ങള്‍.

കാഴ്ചകള്‍.

 ചക്ക കാഴ്ചകള്‍.

ഉറിയും ഉരലും ഉലക്കയും

എനിക്കുണ്ടൊരു പത്തായം
പഴയ പ്രതാപത്തിന്റെ പര്യായം
ഉരല്‍ ഉണ്ട് ഉലക്കയുമുണ്ട്
വയല്‍, നിറഞ്ഞ നെല്‍വയലുകള്‍
ഇന്നെനിക്കോര്‍മ ആയി .......
പക്ഷെ,

പൊളിച്ച് അടുക്കാറായ പത്തായം

പാറ്റകളുടെ അഭയ കേന്ദ്രമിപ്പോള്‍,
തറയില്‍ കുഴിച്ചിട്ട ഉരല്‍ മാറ്റാന്‍ കഴിഞ്ഞില്ല.

പാടം പറമ്പായി പറമ്പില്‍ റബ്ബറും

ഒരു തുണ്ട് നികത്തി ഒരു വീടും

പടുത്തപ്പോള്‍ വയല്‍ അശ്ശേഷ മില്ല

നീരോഴുക്കിനെ വഴിതിരിച്ചപ്പോള്‍

നീരുറവകള്‍ നീണ്ടുനിന്നില്ല

നീണ്ട ചുണ്ടുമായ് കൊറ്റികള്‍ വരുന്നില്ല.
തവള ക്കാലുകള്‍ തേടുന്ന റാന്തല്‍ വരവില്ല,

കാലം മാറി പഴയ കാലന്‍ കുടയും

മണ്‍കുടമില്ല മണ്‍കലവുമില്ല
എന്‍ മക്കളെ ഉറി കാണിക്കാന്‍

അയലത്തു പോലും അതും  ബാക്കിയില്ല.

നഷ്ട പരിഹാരം.

അപകടങ്ങള്‍ പറ്റുമ്പോള്‍ അതിനു ഇരയാവന് കിട്ടുന്ന സഹായ  ധനമാണ് നഷ്ട പരിഹാരം. പ്രകൃതി ദുരന്തങ്ങളോ   റോഡ്‌ അപകടങ്ങളോ ഉണ്ടാകുമ്പോള്‍ നമ്മുടെ സര്‍ക്കാരുകള്‍ ദുരിതാശ്വാസ നിധിയില്‍ നിന്നും മറ്റും ആശ്വാസ ധനം നല്‍കുന്നു.
സര്‍ക്കാര്‍ കാര്യം മുറപോലെ എന്നൊക്കെ പറയുമ്പോലെ അതൊക്കെ കിട്ടുന്നതിനു
ചില നടപടിക്രമങ്ങളൊക്കെയുണ്ട് . എന്തായാലും ഇതൊക്കെ ഉദ്ദേശിക്കുന്നഫലം ചെയ്യുന്നുണ്ടോ  എന്നത് സംശയമാണ് . പ്രകൃതി ദുരന്തങ്ങളില്‍ അനുവദിക്കപ്പെടുന്ന
സാമ്പത്തിക സഹായം ലഭ്യമാകണമെങ്കില്‍ കുറെ ഏറെ രേഖകളുമായി ഓഫീസുകള്‍ കയറി ഇറങ്ങേണ്ടി വരും. ഒടുവില്‍ ആദര്‍ശം സംസാരിക്കുന്നവര്‍ പോലും അര്‍ഹ്തപ്പെട്ടവന്  നല്‍കാതെ, അടുപ്പക്കാരന് പതിച്ചു നല്‍കുന്ന ആദര്‍ശ് ഫ്ലാറ്റ് ഇടപാടുപോലെ അര്‍ഹത ഇല്ലാത്തവര്‍ തട്ടിയെടുക്കുന്ന കാഴ്ചയാണ് നമുക്ക് ചുറ്റും കാണാന്‍ കഴിയുക.

ഞാനിവിടെ പറഞ്ഞ -കല്ലുകള്‍ ചിതറി തെറിച്ചു വാഹനങ്ങള്‍ക്ക് കേടു പറ്റിയ (http://www.boolokamonline.com/?p=17829 )സംഭവത്തില്‍  റോഡ്‌
കോണ്ട്രാക്ടിംഗ്  കമ്പനി അപകടം പറ്റിയ എല്ലാ വാഹന ഉടമകള്‍ക്കും ഉടനടി നഷ്ടപരിഹാരം നല്‍കി അതിശയിപ്പിച്ചു കളഞ്ഞു. ഇങ്ങനെ ഒരു സംഭവം കേട്ടുകേള്‍വി ഇല്ലാത്തതുകൊണ്ടാകാം നമുക്ക് അത് അതിശയമായത്. അന്‍പതോളം കേടുപാടുകള്‍ വന്ന വാഹനങ്ങള്‍ക്ക് ലക്ഷ കണക്കിന് റിയാല്‍ നഷ്ടമായി നല്‍കേണ്ടി വന്നു.
ഒരു പക്ഷെ വേണ്ടത്ര സുരക്ഷ പാലിക്കാതിരുന്നത്  കാരണം കമ്പനിക്കു പിന്നീടു  പ്രോജക്റ്റ് കിട്ടാതെ വരും എന്നതാകണം ഈ പെട്ടെന്നുള്ള നടപടിക്കു കാരണം .
സൌദിയില്‍ സുരക്ഷയ്ക്ക് വളരെ പ്രാധാന്യം കല്പിക്കുന്നതിനാല്‍ അതില്‍ വീഴ്ച  വരുത്തുന്നവരെ  കരിമ്പട്ടികയില്‍ ഉള്‍പെടുത്താന്‍ ഇടയുള്ളതുകൊണ്ടാകാം പെട്ടെന്ന് ഒരു പ്രതികരണത്തിന് കാരണമായത്‌.
വാഹനത്തിനു വരുന്ന പണിയുടെ എസ്ടിമേറ്റ് തയ്യാറാക്കി നല്‍കിയാലുടന്‍ റെടി ക്യാഷ് കിട്ടുന്ന ഈ നടപടി എല്ലാവര്ക്കും ആശ്വാസവും അഭിനന്ദനീയവും ആയി. വമ്പന്‍ പ്രോജക്ടുകള്‍ ചെയ്യുന്ന വമ്പന്‍ കമ്പനികള്‍ക്ക്
ഇതൊക്കെ പെട്ടെന്ന് സാധ്യമാകുന്നു.

നമ്മുടെ നാട്ടില്‍ ആയാല്‍ ഇങ്ങനെ ഒരു നടപടി ഉടനടി പ്രതീക്ഷിക്കാവുന്നതല്ല.  MC റോഡ്‌ കരാറുകാരായ പതിബെന്‍  കമ്പനിക്കൊക്കെ കേരള  നാട്ടില്‍ നേരിടേണ്ടിവന്ന ദുരിതങ്ങള്‍ നമുക്കറിയാവുന്നതാണ്.  പണി പൂര്‍ത്തിയായി എത്ര കാലം കഴിഞ്ഞാലാണ് കരാറുകാരന് പണം മടക്കി കിട്ടുക. അതിന്നു  അനുസരിച്ചാണല്ലോ ചെയ്യുന്ന ജോലിയുടെ ഗുണ നിലവാരവും. പൊതുമരാമത്ത് വകുപ്പില്‍ ഒരു ബില്‍ പസ്സാകണമെങ്കില്‍ താഴെ തലം തൊട്ടു മുകളില്‍ വരെ കൈമടക്കു നല്‍കേണ്ടി വരുമെന്നതും എല്ലാവരും അറിയുന്ന സത്യം. ഈ അവസ്ഥകള്‍ക്ക് എന്നാണൊരു മാറ്റമുണ്ടാവുക.

ഭൂമി മോഹിച്ചവര്‍ (inbox )

ഒരാള്‍ക്ക് എത്ര ഭൂമി വേണം?


വിശ്വവിഖ്യാതനായ റഷ്യന്‍ സാഹിത്യകാരന്‍ ലിയോ ടോള്‍സ്റ്റോയിയുടെ ‘യുദ്ധവുംസമാധാനവും’ (War and Peace) എന്ന ചെറുകഥാ സമാഹാരത്തില്‍ മനോഹരമായ ഒരുകഥയുണ്‍ട്. ‘ഒരാള്‍ക്ക് എത്ര ഭൂമി വേണെം?’ എന്നാണ് കഥയുടെ പേര്.
രാജാവ് സൗജന്യമായി ഭൂമി വിതരണം ചെയ്യുന്ന വാര്‍ത്ത നാട്ടിലൊക്കെ വിളംബരംചെയ്തു. തികച്ചും സൗജന്യമായി വസ്തു സ്വന്തമാക്കാന്‍ ചെറിയ ഒരു നിബന്ധന
പാലിച്ചാല്‍ മതി. ഒരു ദിവസം ഒരാള്‍ എത്ര ഭൂമി നടന്നു പൂര്‍ത്തിയാക്കുന്നുവോ
അത്രയും സ്ഥലം അയാള്‍ക്ക് അവകാശമാ­ക്കാം.
ഭൂമി മോഹിച്ചെത്തിയവരുടെ കൂട്ടത്തില്‍ പാവപ്പെട്ട പാഹ­മെന്ന ഒരു
ചെറുപ്പക്കാരനും ഉണ്‍ടായിരുന്നു. രാവിലെ തന്നെ കൊട്ടാരത്തിലെത്തിയ പാഹമിന്
രാജസേവകന്‍ സ്വന്തമാക്കാനുള്ള ഭൂമി കാട്ടിക്കൊടുത്തു. അത്യുത്സാഹത്തോടെ അയാള്‍
നടപ്പാരംഭിച്ചു. നടന്നാല്‍ കുറച്ചു ഭൂമിയേ സ്വന്തമാക്കാന്‍ കഴിയൂ എന്ന്
ചിന്തിച്ച് അയാള്‍ വേഗം ഓടാന്‍ തുടങ്ങി. ഇടയ്ക്ക് കലശലായി ദാഹിച്ചെങ്കിലും
വെള്ളം കുടിക്കാന്‍ നിന്നാല്‍ സ്ഥലം നഷ്ടപ്പെടുന്നതോര്‍ത്ത് അതിന് തുനിഞ്ഞില്ല.
ഭക്ഷിക്കാന്‍ സമയം കളയാതെ കൂടുതല്‍ ഭൂമിയ്ക്കായി ഓട്ടം തുടര്‍ന്നു. ഇടയ്ക്ക്
കുഴഞ്ഞു വീണെങ്കിലും ഇഴഞ്ഞും വലിഞ്ഞുമൊക്കെ പാഹം ഭൂമി കൈവശമാക്കല്‍ അനസ്യൂതം
തുടര്‍­ന്നു. ഒടുവില്‍ സന്ധ്യയായപ്പോള്‍ രാജാവ് പാഹമിനെ അനുഗമിച്ച രാജസേവകനോട് പാഹം എത്ര
ഭൂമി സ്വന്തമാക്കി എന്ന് ചോദി­ച്ചു.
“ആറടി മണ്ണ്” സേവകന്‍ ഉത്തരം പറ­ഞ്ഞു.
യഥാര്‍ത്ഥത്തില്‍ എന്താണ് പാഹമിന് സംഭവിച്ചത്? വെള്ളം കുടിക്കാതെയും
ഭക്ഷണം ആസ്വദിക്കാതെയും ക്ഷീണിച്ചവശനായ പാഹം തളര്‍ന്നു വീണു മരിച്ചു. ആറടി
മണ്ണില്‍ കുഴിച്ച കുഴിയില്‍ അയാളെ അടക്കം ചെയ്തു.
ടോള്‍സ്റ്റോയി എഴുതിയ ഈ കഥയ്ക്ക് നാമുമായി എന്തെങ്കിലും ബന്ധമുണ്‍ടോ?
മനസ്സിരുത്തി
ചിന്തിച്ചാല്‍, നാമും ഈ പാഹമിനെപ്പോലെ­യല്ലെ?
വെട്ടിപ്പിടിക്കാനും സ്വന്തമാക്കാനുമുള്ള പരക്കം പാച്ചിലില്ലേ നാമോരുത്തരും!
ശരിക്കൊന്നു വിശ്രമിക്കാനാകാതെ, നന്നായി ഒന്നുറങ്ങാന്‍ കഴിയാതെ,
കുടുംബത്തോടൊപ്പം
അല്‍പ്പം സമയം ചെലവഴിക്കാനാകാതെ മക്കളുടെ കളികളും കുസൃതികളും ആസ്വദിക്കാന്‍
സാധിക്കാതെ എവിടേയ്ക്കാണീ ദ്രൂത ഗമ­നം?
വിദേശ രാജ്യങ്ങളില്‍ ജീവിക്കുന്ന കുടുംബങ്ങളുടെ അവസ്ഥ ഏറെ ദയനീയമാണ്.
ഭര്‍ത്താവ് ജോലിയില്‍ നിന്നു വരുമ്പോഴേയ്ക്കും ഭാര്യ ജോലിയ്ക്ക് പോകാന്‍
ഇറങ്ങിയിരിക്കും. ഇതിനിടയില്‍ കുട്ടികള്‍ സ്‌കൂളില്‍ പോയി വരുമ്പോഴേയ്ക്കും
ഒരാള്‍ ഉറക്കത്തിലും മറ്റൊരാള്‍ ജോലിയിലുമായിരിക്കും. കുടുംബാംഗങ്ങള്‍
ഒരുമിച്ചുള്ള സമയങ്ങള്‍ അപൂര്‍വ്വമായിരിക്കും. ആരാധനയ്ക്കും
കുട്ടായ്മയ്ക്കൂമൊക്കെ പോയി എന്നു വരുത്തിത്തീര്‍ക്കും. എല്ലാം ബാങ്ക്
ബാലന്‍സില്‍ കുറെ നമ്പറുകള്‍ കൂട്ടിച്ചേര്‍ക്കാന്‍ വേണ്‍ടി മാത്രം.
ആരോഗ്യമുള്ളപ്പോള്‍ അല്‍പ്പം സമ്പാദിച്ചു കൂട്ടാമെന്നു കരുതിയാണ്
ഓവര്‍ടൈമൊക്കെ ധാരാളം ചെയ്യുന്നത്. പിന്നീട് അല്‍പ്പം വിശ്രമിക്കാമെന്ന
ചിന്തയും മനക്കോട്ടയിലുണ്‍ട്. എന്നാല്‍ ജോലിയിലെ ടെന്‍ഷനും അസമയങ്ങളിലുള്ള
ആഹാരശീലവുമൊക്കെ ചേര്‍ന്ന് ഒരു രോഗിയായി മാറുകയാണവര്‍ എന്നറിയു­ന്നില്ല.
ഡയബെറ്റിസ് ആയതുകൊണ്‍ട് മധുരം കഴിക്കാനാകുന്നില്ല; പ്രഷര്‍ കൂടി
നില്‍ക്കുന്നതുകൊണ്‍ട് ഉപ്പിനും വിലക്ക്; അള്‍സര്‍ കുടലില്‍ ബാധിച്ചതിനാല്‍
എരിവും പറ്റില്ല. മധുരവും ഉപ്പും എരിവുമൊന്നുമില്ലാതെ ജീവിതത്തിന് എന്ത് രുചി
?
ഒരു സന്നിഗ്ദ ഘട്ടത്തിലെത്തി നില്‍ക്കുമ്പോള്‍ മനഃസാക്ഷി നമ്മോട് ചോദിക്കുന്ന
ഒരു ചോദ്യമുണ്‍ട്. എല്ലാം മറന്ന് ഓടിയതുകൊണ്‍ട് എന്തു നേടി? വിവിധ
ഡോക്‌ടേഴ്‌സിന്റെ മുറികളില്‍ കയറിയിറങ്ങാനോ? സുന്ദര സൗധങ്ങള്‍
പണിതുയര്‍ത്തിയിട്ട് ആശുപത്രിയിലെ മനം മടുപ്പിക്കുന്ന ഗന്ധങ്ങളുടെ ഇടയില്‍
ചികിത്‌സ തേടി കിടക്കാനോ? വലിയ വീട്ടിലെ പാറ്റയുടെയും പല്ലിയുടെയും
കണക്കെടുത്ത് ജീവിതം തള്ളിനീക്കാനോ?
കഷ്ടപ്പെട്ട് പഠിപ്പിച്ച മക്കളെ കണികാണാന്‍ പോലും കിട്ടുന്നില്ല. അവരൊക്കെ
നല്ല ജോലി തേടി വിദേശങ്ങളില്‍ സ്ഥിരതാമസമാകാകിയിരക്കുകയല്ലേ?
പാഹമിനെപ്പോലെ ഒടുവില്‍ ആറടിമണ്ണില്‍ വിലയം പ്രാപിക്കും. നേട്ടമെന്നു
ഗണിക്കാന്‍ അതുമാത്രം ഫലം.
ഇന്നലെ ഞാന്‍ വായിച്ച  ഒരു മെയില്‍.